ព្រះសីហនុ: ព្យុះក្នុងក្រុងព្រះសីហនុដូចទីលានប្រណាំងឡាន នៅវេលាម៉ោង ៤និង០០នាទីរសៀលថ្ងៃទី១៩ ខែកញ្ញា ឆ្នាំ២០២១ កម្លាំងអាវុធហត្ថ ស្នាក់ការកែវផុសចំនួន ២នាក់ដឹកនាំដោយលោក លី ឌីណា សហការជាមួយកម្លាំងនគរបាលប៉ុស្តិ៍កែវផុស បានឃាត់ក្រុមក្មេងបង្ហោះម៉ូតូចំនួន ៤នាក់ និងម៉ូតូ ៤គ្រឿង នៅចំណុចអូរថ្ម ភូមិកែវផុស ឃុំកែវផុស ស្រុកស្ទឹងហាវ ខេត្តព្រះសីហនុ។

ក្រុមក្មេងបង្ហោះម៉ូតូចំនួន ៤នាក់៖
១ ឈ្មោះ លាភ ចាន់ ភេទប្រុស អាយុ ២០ឆ្នាំ ។
២ ឈ្មោះ ទុយ ហេងលី ភេទប្រុស អាយុ ១៨ឆ្នាំ។
៣ ឈ្មោះ សឿន ពិសិទ្ធ ភេទប្រុស អាយុ ១៧ឆ្នាំ។
៤ ឈ្មោះ រុន ម៉ាលីសៀន ភេទប្រុស អាយុ ១៦ឆ្នាំ។
អ្នកទាំងអស់រស់នៅ ភូមិឫទ្ធី១ ឃុំកែវផុស ស្រុកស្ទឹងហាវ ខេត្តព្រះសីហនុ។

បច្ចុប្បន្នប្រគល់ឲ្យនគរបាលប៉ុស្តិ៍កែវផុសនាំទៅប៉ុស្តិ៍ និងហៅអាណាព្យាបាលមកទទួលហើយធ្វើកិច្ចសន្យាជាលើកដំបូងដល់ក្រុមនេះ៕