ផ្ទះ ព័ត៌មានអន្តរជាតិ សភាតំណាងរាស្ត...

សភាតំណាងរាស្ត្រអាមេរិក ជំរុញឲ្យដាក់ទណ្ឌកម្មលើប្រទេសតួកគី ស្ដីពីបញ្ហានៅស៊ីរី

0

អាមេរិក: កាលពីថ្ងៃអង្គារ សភាតំណាងរាស្រ្តអាមេរិក បានបោះឆ្នោតគ្រាំទ្រលើសលុប នូវការអនុម័តច្បាប់ ដែលមានគោលបំណង ដាក់ទណ្ឌកម្មលើយោធា និងមន្ត្រីរដ្ឋាភិបាលតួកគី ជុំវិញប្រតិបត្តិការយោធា ប្រឆាំងនឹងកងកម្លាំងឃឺដ នៅភាគ​ឦសាន​ប្រទេសស៊ីរី។ នេះបើយោងតាមសារព័ត៌មាន Aljazeera ចេញផ្សាយនៅថ្ងៃទី៣០ ខែតុលា​ ឆ្នាំ២០១៩។

ជាមួយសំទ្បេងឆ្នោតគ្រាំទ្រ ៤០៣ ទល់នឹង ១៦ សំទ្បេង គឺធ្វើការស្តីបន្ទោស ចំពោះការសម្រេចចិត្តចុងក្រោយរបស់លោក ត្រាំ ដែលបានដកកងទ័ពអាមេរិក ចេញពីភាគ​ឦសានប្រទេសស៊ីរី ធ្វើឲ្យសម្ព័ន្ធមិត្តឃឺដ ពុំទទួលបានការគាំទ្រផ្នែកយោធា ខណ:ប្រទេសតួកគី បានបើកប្រតិបត្តិការនៅតំបន់នោះ។

លោក Eliot Engel ប្រធានបក្សប្រជាធិបតេយ្យ នៃគណ:កម្មាធិការកិច្ចការបរទេស នៃសភាអាមេរិក បានមានប្រសាសន៍ថា ទណ្ឌកម្មទាំងនេះ ត្រូវបានរៀបចំឡើង ជាពិសេសមានគោលដៅទៅលើមន្រ្តីតួកគី និងស្ថាប័នដែលទទួលខុសត្រូវ ចំពោះការបង្ហូរឈាម នៅក្នុងប្រទេសស៊ីរី៕

Loading...

Leave a Reply

This site uses Akismet to reduce spam. Learn how your comment data is processed.