ផ្ទះ ព័ត៌មានជាតិ លាន់សូរផាំង! ...

លាន់សូរផាំង! រថយន្តបុកម៉ូតូ បណ្ដាលឲ្យរបួសមនុស្ស ​២​នាក់​

0

កណ្ដាល: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា យ៉ាង​ហោច​ណាស់​ មនុស្ស​ម្នាក់​រង​របួសធ្ងន់​ រីឯ​មនុស្ស​២​នាក់​ទៀត​រង​របួសស្រាល​ក្នុង​ហេតុការណ៍​គ្រោះថ្នាក់​ចរាចរណ៍​មួយ​ រវាង​រថយន្ដ​ និង​ម៉ូតូ​បុក​គ្នា​ពេញ​មួយ​ទំហឹង​ កាលពី​វេលា​ម៉ោង​៦​ព្រឹក​ ថ្ងៃ​ទី​១០​ ខែវិច្ឆិកា​ ឆ្នាំ​២០១៩​ លើ​កំណាត់​ផ្លូវជាតិ​លេខ​៦​ ចន្លោះ​គីឡូ​មែ​ត្រ​លេខ​២៨-២៩​ ស្ថិត​ក្នុងភូមិ​ឫស្សី​ជ្រោយ​ ឃុំ​ឫស្សី​ជ្រោយ​ ស្រុក​មុខកំពូល​ ខេត្តកណ្ដាល​។​

​មន្ដ្រី​នគរបាល​ចរាចរណ៍​ស្រុក​មុខកំពូល​ បាន​ឲ្យ​ដឹង​ថា​ ជន​រង​គ្រោះ​មាន​គ្នា​៣​នាក់​ ទី​១-​ឈ្មោះ​ ស៊ុ​យ​ សុវណ្ណ​រ៉ា​ ភេទ​ប្រុស​ អាយុ​១៩​ឆ្នាំ​ (​រង​របួសស្រាល​)​ ជា​អ្នកបើកបរ​ម៉ូតូ​ម៉ាក​ហុងដា​ឌ្រី​ម​ ធុន​សេ​១២៥​ ពណ៌​ខ្មៅ​ពាក់​ស្លាក​លេខ​ ភ្នំពេញ​1GV-​ 9613​ ទី​២-​ឈ្មោះ​ជា​ ឡៃ​សៀង​ ភេទ​ស្រី​ អាយុ​១៩​ឆ្នាំ​ (​រូ​ម​ដំណើរ​រង​របួសធ្ងន់​)​ និង​ទី​៣-​ឈ្មោះ​ ឈាន​ ឆេ​ង​ហួ​ ភេទ​ប្រុស​ អាយុ​១៩​ឆ្នាំ​ (​ជា​អ្នក​រួម​ដំណើរ​របួសស្រាល​)​។​ ជន​រង​គ្រោះ​ទាំង​៣​នាក់​ មាន​ទីលំនៅ​ភូមិ​អូ​ពពេល​ ឃុំ​ខ្ចៅ​ ស្រុក​កងមាស​ ខេត្តកំពង់ចាម​។​ ចំណែក​រថយន្ដ​ម៉ាក​TADANO​ ប្រភេទ​ស្ទួ​ច​ ធុន​ធំ​ ពណ៌​លឿង​ គ្មាន​ស្លាក​លេខ​ បើកបរ​ដោយ​ឈ្មោះ​ ណ​ន​ ពេជ្រ​ ភេទ​ប្រុស​ អាយុ​២០​ឆ្នាំ​ មាន​ទីលំនៅ​ ភូមិ​អណ្ដូង​ប្រាំង​ ឃុំ​ស្រង់​ ស្រុក​គងពិសី​ ខេត្តកំពង់ស្ពឺ​ (​ឃាត់ខ្លួន​)​។​

​ប្រភព​ដដែល​បន្ដ​ថា​ នៅ​មុន​ពេល​កើតហេតុ​ សាក្សី​បានឃើញ​រថយន្ដ​ស្ទូច​ខាងលើ​ ធ្វើ​ដំណើរ​តាម​បណ្ដោយ​ផ្លូវជាតិ​លេខ​៦​ ក្នុង​ទិស​ដៅ​ពី​ត្បូង​ទៅ​ជើង​ លុះ​បើក​មក​ដល់​ចំណុច​កើតហេតុ​ បាន​បត់​ឆ្វេង​ឆ្លងផ្លូវ​ ខណ:នោះ​ក៏​មាន​ម៉ូតូ​ហុងដា​មួយ​គ្រឿង​ជិះ​គ្នា​៣​នាក់​ ក៏​ឈប់​មិន​ទាន់​ បាន​បុក​រថយន្ដ​ពេញ​មួយ​ទំហឹង​បណ្ដាល​ឲ្យ​នារី​ម្នាក់​ឈ្មោះ​ ជា​ ឡៃ​សៀង​ ជា​អ្នក​រួម​ដំណើរ​ ទទួល​រង​របួសធ្ងន់​ រីឯ​២​នាក់​ទៀត​រង​របួសស្រាល​។​

​ក្រោយ​ពី​មាន​ហេតុការណ៍​កើតឡើង​ ជន​រង​គ្រោះ​រង​របួសធ្ងន់​ ត្រូវ​បាន​រថយន្ដ​សា​មុ​យ​ដឹក​បញ្ជូន​ទៅ​សង្គ្រោះ​នៅ​មន្ទីរពេទ្យ​រាជធានី​ភ្នំពេញ​។​ ដោយឡែក​រថយន្ដ​នឹង​ម៉ូតូ​ ត្រូវ​បាន​សមត្ថកិច្ច​នគរបាល​ចរាចរណ៍​ បាន​ពិនិត្យ​វាស់វែង​ រួច​កសាង​សំណុំរឿង​យក​ទៅ​រក្សា​ទុក​នៅ​អធិការដ្ឋាន​នគរបាល​ស្រុក​ ដើម្បី​ចាត់ការ​តាម​នីតិវិធី​ច្បាប់​។​​ ​តាម​ការ​សន្និដ្ឋាន​របស់​សមត្ថកិច្ច​ជំនាញ​បាន​ឲ្យ​ដឹង​ថា​ ករណី​នេះ​ គឺ​បណ្ដាល​មក​ពី​អ្នកបើកបរ​រថយន្ត​ បើក​បត់​ឆ្វេង​ ខ្វះ​ការ​ប្រុង​ប្រយ័ត្ន​ រីឯ​ម៉ូតូ​បើកបរ​ដោយ​ល្បឿន​លឿន​៕

Loading...

Leave a Reply

This site uses Akismet to reduce spam. Learn how your comment data is processed.