ភ្នំពេញ: ជនសង្ស័យចំនួន៧នាក់ ជាប់ពាក់ពន្ធ័នឹងករណីជួញដូរ និងប្រើប្រាស់គ្រឿងញៀន រួមនឹងបទល្មើសលួច ត្រូវបានកម្លាំងអាវុធហត្ថខណ្ឌពោធិ៍សែនជ័យ ចាប់ខ្លួនបានជាបន្តបន្ទាប់ កាលពីវេលាម៉ោង១២ និង១០នាទីថ្ងៃទី៣១ ខែសីហា ឆ្នាំ២០១៦ នៅចំនុចបន្ទប់ជួលលេខ ៤សេ,៧សេ និង៨សេ ស្ថិតក្នុងភូមិត្រពាំងរំចេក សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។
កម្លាំងអាវុធហត្ថបានឲ្យដឹងថាជនសង្ស័យទាំង៧នាក់ដែលចាប់ខ្លួនបានខាងលើ ទី១.ឈ្មោះ ហង្ស សាត ភេទប្រុសអាយុ៣២ឆ្នាំ ។ទី២.ឈ្មោះ សុខ ឈាន ភេទប្រុស អាយុ ៣០ឆ្នាំ ។ទី៣.ឈ្មោះ ច្រឹង ម៉ៅ ភេទប្រុស អាយុ៤៥ឆ្នាំ ។ទី៤.ឈ្មោះ អៀប រស្មី ភេទប្រុស អាយុ២០ឆ្នាំ ។ទី៥.ឈ្មោះ មាស ដាវុធ ភេទប្រុស អាយុ២៣ឆ្នាំ។ទី៦.ឈ្មោះ ទឹង សម្ផស្ស ភេទស្រី អាយុ២១ឆ្នាំ ។ និងជនសង្ស័យទី៧.ឈ្មោះ វឹន ស្រីពេជ្រ ភេទស្រី អាយុ២២ឆ្នាំ ។
ក្រោយការសាកសួរជនសង្ស័យឈ្មោះហង្ស សាត រួចមក នៅវេលាម៉ោង២ ថ្ងៃដដែលកម្លាំងកងរាជអាវុធហត្ថខណ្ឌពោធិសែនជ័យ បានបន្តសហការជាមួយកម្លាំងអាវុធហត្ថខណ្ឌទួលគោក ចុះទៅធ្វើការឆែកឆេនៅសំណង់អណាធិបតេយ្យ ស្ថិតក្នុងសង្កាត់បឹងកក់២ខណ្ឌទួលគោក ឃាត់ខ្លួនមនុស្សចំនួន៤នាក់បន្ថែមទៀត ទី១.ឈ្មោះ ញេប មករា ភេទប្រុស អាយុ២៩ឆ្នាំ ។ ទី២.ឈ្មោះ សុភាព ភេទប្រុស អាយុ៣៧ឆ្នាំ ។ ទី៣.ឈ្មោះ ភី ឈុនលីភេទប្រុស អាយុ២៧ឆ្នាំ ។ និងជនសង្ស័យទី៤.ឈ្មោះ វណ្ណ គីរក្ស ភេទប្រុស អាយុ១៩ឆ្នាំ។
👉ក្នុងនោះដែរ វត្ថុតាងដែលដកហូតបានរួមមាន ក្រាមពណ៌សថ្លាចំនួន៣៣ កញ្ចប់ (ក្នុងនោះកញ្ចប់ធំ១ ធំល្មម៤ និងតូច២៨កញ្ចប់) , ប្រដាប់ឆ្កឹះសោរចំនួន៤ , ទូរស័ព្ទចំនួន៥គ្រឿង, សម្ភារ:ប្រើប្រាស់គ្រឿងញៀនមួយចំនួន , លុយចំនួន៦ម៉ឺនរៀល , ជញ្ជីងថ្លឹងចំនួន៣, ស្លាកលេខម៉ូតូចំនួន១, ដាវចំនួន២, ថង់សម្រាប់ច្រកមួយចំនួនធំ រួមនឹងម៉ូតូ៧គ្រឿង ។ បច្ចុប្បន្នកម្លាំងអាវុធហត្ថខណ្ឌពោធិ៍សែនជ័យ កំពុងសហការជាមួយនឹងការិយាល័យប្រឆាំងគ្រឿងញៀនអាវុធហត្ថរាជធានីភ្នំពេញ ដើម្បីចាត់ការបន្តតាមនីតិវិធីច្បាប់ ៕
មតិយោបល់