ព្រះសីហនុៈ កាលពីវេលាម៉ោង១និង៥០នាទីរសៀល ថ្ងៃទី១០ ខែកញ្ញា ឆ្នាំ២០១៨ មានករណីគ្រោះថ្នាក់ចរាចរណ៍ ដោយមានរថយន្តដឹកឥដ្ឋមួយគ្រឿង បានបើកគេចរ៉ឺម៉កកង់បី រួចក៏ក្រឡាប់ នៅលើផ្លូវវិថីផែ មុខស្ថានីយរថភ្លើង ភូមិ៣ សង្កាត់លេខ៣ ក្រុង/ខេត្តព្រះសីហនុ បណ្តាលឲ្យមានមនុស្ស៣នាក់រងរបួស។
រថយន្តនេះម៉ាក HYUNDAI ពណ៌ ស-បៃតង ពាក់ស្លាកលេខ ភ្នំពេញ3C-3891 (អ្នកបើកបរមិនស្គាល់អត្តសញ្ញាណ) មានអ្នករួមដំណើរចំនួន ៣នាក់ មានទិសដៅចូលក្រុងព្រះសីហនុ លុះដល់ចំណុចខាងលើរថយន្តកំពុងមានល្បឿនលឿន ជួបបញ្ហាអ្នកបើកបរក៏បានទាញចង្កូតមកខាងស្តាំបុកនឹងរបងស្ថានីយរថភ្លើង ព្រមទាំងស្លាកសញ្ញាផ្សេងៗ បណ្ដាលឲ្យក្រឡាប់តែម្ដង។ ជនរងគ្រោះទាំង៣នាក់ បានបញ្ជូនទៅសង្គ្រោះនៅគ្លីនិកមិត្តភាពឃ្លាំងលើ។
ចំណែកអ្នកបើកបររថយន្តរត់គេចខ្លួនបាត់ក្រោយពេលកើតហេតុ៕
មតិយោបល់