ថ្ងៃព្រហស្បតិ៍, ទី10 ខែមេសា, ឆ្នាំ2014 06:10 ព្រឹក
រាជធានីភ្នំពេញ៖ ហេតុការណ៍គ្រោះថ្នាក់ចរាចរណ៍មួយបានកើតឡើងកាលពីវេលាម៉ោង១៦និង០០នាទីថ្ងៃទី០៩ខែមេសាឆ្នាំ២០១៤នៅតាមបណ្ដោយផ្លុវលេខ១៥១(ផ្លូវចូលភ្នំប្រសិទ្ធ)ស្ថិតក្នុងភូមិសំរោងត្បូងសង្កាត់សំរោងខណ្ឌសែនសុខរាជធានីភ្នំពេញបណ្ដាលអោយបុរសម្នាក់ស្លាប់ភ្លាមៗនៅនឹងកន្លែងកើតហេតុ។
បុរសដែលបានស្លាប់ភ្លាមៗនៅកន្លែងកើតហេតុដោយសារជិះម៉ូតូលឿនទៅបុករថយន្ដពីក្រោយនោះឈ្មោះង៉ែតសម្បូរភេទប្រុសអាយុ៤៧ឆ្នាំបុខរបរជាអ្នករកត្រីស្នាក់នៅជិតកន្លែងកើតហេតុខាងលើមានស្រុកកំណើតនៅភូមិកុកវែងឃុំបន្ទាយមាសស្រុកចុងត្រង់ខេត្តកំពត។ចំណែករថយន្ដដែលបុរសរងគ្រោះបានបើបុកពីក្រោយហើយបានស្លាប់ភ្លាមៗនោះម៉ាកហីយ៉ានដាយពណ៌សប្រភេទរថយន្ដក្លុបមួយតោនកន្លះពាក់ស្លាកលេខបណ្ដោះអាសន្ន២៩០៤បើកបរដោយឈ្មោះម៉ុតជីភេទប្រុសអាយុ៣២ឆ្នាំស្នាក់នៅភូមិទួលរការឃុំចន្ទតាសែនស្រុកឧត្តុងខេត្តកំពង់ស្ពឺ។
បើតាមប្រភពពត័មានពីកន្លែងកើតហេតុបានអោយដឹងថាះមុនពេលកើតហេតុរថយន្ដបានបើកបរក្នុងទិសដៅពីលិចមកកើតលុះមកដល់ចំណុចកើតហេតុស្រាប់តែមានរថយន្ដមួយគ្រឿងទៀតបើកបរបញ្ច្រាសទិសគ្នាពីកើតមកលិចឃើញបែបនេះដោយផ្លូវតូបចង្អៀតផងរថយន្ដក៏បានអែបខាងឈប់ដើប្បីអោយរថយន្ដម្ខាងទៀតទៅពេលនោះស្រាប់តែជនរងគ្រោះបានជិះម៉ូតូម៉ាកគុបជ្រុងពណ័ទឹកប៊ិចពាក់ស្លាកលេខភ្នំពេញ1J8465ម្នាកឯងក្នុងល្បឿនលឿនជាន់ហ្វ្រាំងមុនជាប់ក៏ជ្រុលចង្កូតទៅបុករថយន្ដពីក្រោយបណ្ដាលអោយដួលម៉ូតូអូសប្រហែល៥ម៉ែត្របែកក្បាលស្លាប់ភ្លាមៗតែម្ដងពេលនោះរថយន្ដមិនបានឈប់ទេបើកព្យាយាមរត់គេចទៅដល់ភ្សាព្រែកព្នៅទើបសមត្ថកិច្ចតាមចាប់បាន។
រថយន្ដនឹងម៉ូតូត្រូវបាននគបាលចរាចរណ៍រាជធានីភ្នំពេញយកទៅរក្សាទុកដើម្បីរងចាំការដោះស្រាយតាមផ្លូវច្បាប់ចំណែកសពជនរងគ្រោះត្រូវបានសាច់ញាត្តិដឹកយកទៅធ្វើបុណ្យតាមប្រពៃណីនៅឯស្រុកកំណើត៕
