ខណៈដែលគង់ វង្សយ៉ាទី ត្រូវគេកត់សម្គាល់ថាមានជីវភាពឡូយឆាយខុសប្លែកក្រោយផ្ទុះព័ត៌មានថាមានឧកញ៉ាសំបូរទ្រព្យជាប់ចិត្តនោះ ពេលនេះនាងបានចេញជម្រះ បើទោះជាការលាតត្រដាងរបស់នាង ត្រូវបានអ្នកសិល្បៈ និងអ្នកតាមដានមួយចំនួនមិនសូវជឿជាក់។ នាងបានលាតត្រដាងពីជីវិតឯកជន ជាពិសេសពាក់ព័ន្ធនឹងប្រភពរថយន្តទំនើប និងបុរសដែលនាងសំឡឹងឃើញ។
គង់ វង្សយ៉ាទី ទទួលស្គាល់ថានាងពិតជាបានប្ដូររថយន្តតម្លៃច្រើនម៉ឺនដុល្លារដើម្បីលើកមុខលើកមាត់របស់ខ្លួនប្រាកដមែន។ ប៉ុន្តែរថយន្តនោះគឺនាងបានដូរប្រមាណជាកន្លះឆ្នាំហើយ ហើយក៏មិនមែនជាចំណែកលោកឧកញ៉ាណាម្នាក់ទិញអោយនាងនោះដែរ តែការដោះដូរពីការងារ និងការទិញជំពាក់ខ្លះៗ។
នាងបានបង្ហើបថាការងាររបស់ខ្លួនកាន់តែមានចំណូលច្រើន ហើយនាងក៏មិនបានទទួលជំនួយពីភភាគីខាងណាដូចគ្នានឹងអ្វីដែលបានលើកឡើងឡើយ។ នាងថាបុរសដែលនាងស្រឡាញ់នៅមិនទាន់រកឃើញទេ ហើយបើពិតជាមានមែនក៏មិនមែនជាឧកញ៉ានោះដែរ តែគ្រាន់តែជាបុគ្គលក្នុងស្រុកម្នាក់ប៉ុណ្ណោះ។ ការលើកឡើងរបស់នាងត្រូវបានប្រភពខ្លះយល់ថាជាការបង្វែងដាន ក្នុងពេលដែលគេសង្ស័យថានាងមានការពាក់ព័ន្ធនឹងឧកញ៉ាម្នាក់តាំងពីបានបោះជំហានចូលទូរទស្សន៍ CTN ។
យ៉ាងណាមិញ គង់ វង្សយ៉ាទី បញ្ជាក់ថានឹងមិនខ្វល់នឹងរឿងអ្នកមិនជឿនោះទេ ដោយសារតែរឿងឯកជនរបស់នាង គឺមានតែនាងខ្លួនឯងទើបអាចយល់ច្បាស់៕
មតិយោបល់