កណ្តាលៈ ជនសង្ស័យ៣នាក់ ត្រូវបានសមត្ថកិច្ចឃាត់ខ្លួន ពាក់ពន្ធ័នឹងករណីជួញដូរនូវសារធាតុញៀនខុសច្បាប់។

ការចាប់ឃាត់ខ្លួននេះបានធ្វើឡើងកាលពីវេលាម៉ោង១២និង៣០នាទី ថ្ងៃត្រង់ទី ៦ ខែឧសភា ឆ្នាំ២០១៧ នៅភូមិតាពែក ឃុំជ្រៃលាស់ ស្រុកពញាឮ ខេត្តកណ្តាល ។

សមត្ថកិច្ចបានឲ្យដឹងថា ជនសង្ស័យ៣នាក់ ទី១ឈ្មោះ អ៊ឹម សុខហ៊ាន ហៅងោ ភេទប្រុស អាយុ៣៣ឆ្នាំ មុខរបររត់ម៉ូតូឌុប មានទីលំនៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ,ទី២ឈ្មោះ ស្រៀង ស្រីមុំ ហៅកាទែន ភេទស្រី អាយុ២៩ឆ្នាំ មុខរបរមិនពិតប្រាកដ មានទីលំនៅក្នុងសហគមន៍ ភូមិតាគោ ឃុំជ្រៃលាស់ ស្រុកពញាឮ ខេត្តកណ្តាល និងទី៣ឈ្មោះ អ៊ឹម គីមហៀង ហៅឆក ភេទប្រុស អាយុ២៩ឆ្នាំ មានទីលំនៅភូមិតាគោ ឃុំជ្រៃលាស់ ស្រុកពញាឮ ខេត្តកណ្តាល ។

ប្រភពដដែលបន្តថា មុនឈានដល់ការចាប់ឃាត់ខ្លួនជនសង្ស័យ កម្លាំងជំនាញស្រុក បានទទួលព័ត៌មាន ថាមានជនសង្ស័យជាមុខសញ្ញាខាងលើ កំពុងតែធ្វើសកម្មភាពជួញដូរថ្នាំញៀន នៅចំណុចកើតហេតុខាងលើ
បន្ទាប់មកកម្លាំងផ្នែកជំនាញ និងប៉ុស្តិ៍បានចុះទៅបង្រ្កាបឃាត់ខ្លួនជនសង្ស័យខាងលើបានតែម្តង។

បច្ចុប្បន្ន ជនសង្ស័យទាំង៣នាក់ ត្រូវបានសមត្ថកិច្ចបញ្ជូនមកអធិការរដ្ឋាននគរបាលស្រុកពញាឮដើម្បីសាកសួរ និងបន្តចាត់ការតាមនីតិវិធីច្បាប់៕