ភ្នំពេញៈ ជនសង្ស័យម្នាក់ត្រូវបានកម្លាំងនគរបាលខណ្ឌឫស្សីកែវ សហការជាមួយកម្លាំងនគរបាលប៉ុស្តិ៍ស្វាយប៉ាក ធ្វើការស្រាវជ្រាវឃាត់ខ្លួនជនសង្ស័យបានម្នាក់ បន្ទាប់ពីឆែកឆេរកឃើញថ្នាំញៀន២កញ្ចប់តូច។

ប្រតិបត្តិការនេះធ្វើឡើងកាលពីវេលាម៉ោង៣រសៀល ថ្ងៃទី១៣ ខែកក្កដា ឆ្នាំ២០១៧ នៅតាមបណ្តោយជាតិលេខ៥ ត្រង់ចំណុចផ្ទះជួល ក្រុមទី៣ ភូមិឡកំបោរ សង្កាត់ស្វាយប៉ាក ខណ្ឌឫស្សីកែវ ឃាត់ខ្លួនជនសង្ស័យបានម្នាក់ឈ្មោះ ដា រ៉ូហ្សា ភេទប្រុស អាយុ១៨ឆ្នាំ មានមុខរបរ ជួញដូរថ្នាំញៀន ។

សមត្ថកិច្ចបានឲ្យដឹងថា នៅវេលាម៉ោងខាងលើកម្លាំងល្បាតរបស់ខណ្ឌឫស្សីកែវនិងសហការជាមួយប៉ុស្តិ៍ស្វាយប៉ាក ប្រទះឃើញជនសង្ស័យម្នាក់កំពុងនៅផ្ទះខាងលើហើយក៏មានការសង្ស័យក៏ឃាត់ខ្លួនសាកសួរជាបន្តបន្ទាប់ និងឆែកឆេរនិងត្រួតពិនិត្យរកឃើញម្សៅពណ៌ស ជាសារធាតុញៀនចំនួន២កញ្ចប់តូច នៅនឹងខ្លួនតែម្តង រួចសមត្ថកិច្ចយើងបានឃាត់ខ្លួនយកមកប៉ុស្តិ៍នគរបាលស្វាយប៉ាកធ្វើការសាកសួរបន្ត។

បច្ចុប្បន្នជនសង្ស័យម្នាក់ខាងលើនិងវត្ថុតាងត្រូវកម្លាំងសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋានខណ្ឌឫស្សីកែវ ដើម្បីកសាងសំណុំរឿងបញ្ជូនទៅកាន់តុលាការចាត់ការតាមនិតីវិធីច្បាប់៕