កោះកុងៈ កាលពីវេលាម៉ោង៣យប់រំលងអធ្រាត្រ ថ្ងៃទី២៧ ខែតុលា ឆ្នាំ២០១៨ មានករណីបុរសម្នាក់ជាកម្មករសំណង់ ពុលត្រីក្រពតសមុទ្រស្លាប់ នៅអគារ អនុវិទ្យាល័យប៉ាក់ខ្លងកំពុងសាងសង់ថ្មី ភូមិ១ ឃុំប៉ាក់ខ្លង ស្រុកមណ្ឌលសីមា ខេត្តកោះកុង។
ជនរងគ្រោះឈ្មោះ ខៀវ ទិត ភេទប្រុស អាយុ៥៨ឆ្នាំ មុខរបរ កម្មករសំណង់ សាងសង់សាលារៀនប៉ាក់ខ្លង មានស្រុកកំណើត នៅឃុំស្ទោង ស្រុកស្ទោង ខេត្តកំពង់ធំ។
ក្រោយពេលកើតហេតុ កម្លាំងជំនាញបានសហការជាមួយក្រុមគ្រូពេទ្យជំនាញ ចុះធ្វើកោសល្យវិច័យ និងបានឲ្យដឹងថាជនរងគ្រោះស្លាប់ដោយសារពុលត្រីក្រពតពិតប្រាកដមែន។ ចំពោះសាកសព ប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់