បាត់ដំបងៈ លោកអធិការស្រុករតនមណ្ឌល បានប្រាប់ Post News ថា នៅវេលាម៉ោង២និង២០នាទីរសៀល ថ្ងៃទី ២៣ ខែ មករា ឆ្នាំ ២០១៩ មានករណីផ្ទុះមីនខ្យល់ បណ្តាលឲ្យបុរសម្នាក់ស្លាប់យ៉ាងរន្ធត់ នៅចំណុច អូរតាចាន់ នៅភូមិផ្លូវមាស ឃុំផ្លូវមាស ស្រុករតនមណ្ឌល ខេត្តបាត់ដំបង។
ជនរងគ្រោះមានឈ្មោះ សែម សារី ភេទប្រុស អាយុ៣៧ឆ្នាំ រស់នៅភូមិកើតហេតុ។
មូលហេតុ ជនរងគ្រោះទៅកាប់ឫស្សីក្នុងអូរ។
ក្រោយពេលកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើកំណត់និងកោសល្យវិច័យ រួចប្រគល់សាកសពជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់