ផ្ទះ ព័ត៌មានជាតិ រថយន្តក្រុងក្...

រថយន្តក្រុងក្រុមហ៊ុន «ទ្បុង ភឿង (ខេមបូឌា) & អេស៊ា» ប៉ះគ្នាជាមួយរថយន្តស្ទូច ស្លាប់ជនជាតិវៀតណាមម្នាក់ និងរបួសជាច្រើននាក់

0

ស្វាយរៀង: នៅថ្ងៃទី ២៨ ខែ តុលា ឆ្នាំ២០១៩ វេលាម៉ោង ០៧ និង ៥៥ នាទី តាមបណ្តោយផ្លូវជាតិលេខ ០១ នៅចន្លោះគីឡូម៉ែត្រលេខ ១២១-១២២ ស្ថិតក្នុងភូមិស្វាយ សង្កាត់ចេក ក្រុងស្វាយរៀង ខេត្តស្វាយរៀង មានករណីគ្រោះថ្នាក់ចរាចរណ៍ រវាងរថយន្ត និងរថយន្ត ក្នុងទិសដៅស្របគ្នាពីលិចទៅកើត។

រថយន្តទី១ម៉ាកហ៊ីយ៉ាន់ដាយ ប្រភេទទេសចរណ៍ ៤៥ កៅអី ពាក់ស្លាកលេខ ភ្នំពេញ ៣B-៣៨៨៣ ពណ៌បៃតង ជារបស់ក្រុមហ៊ុន ទ្បុង ភឿង (ខេមបូឌា) & អេស៊ា បើកបរដោយឈ្មោះ ទ្រឿង ម៉ិញហ័រ ភេទប្រុស ជនជាតិវៀតណាម អាយុ ៤២ ឆ្នាំ មានទីលំនៅភូមិភូហ្វា ឃុំភូថិន ស្រុកតាំប៊ិន ខេត្តវិនឡុង ( រងរបួសធ្ងន់ ស្លាប់ពេលបញ្ជូនមកដល់មន្ទីរពេទ្យខេត្ត ) និងអ្នករួមដំណើរចំនួន ២៥ នាក់ រងរបួសស្រាល ០២ នាក់ ឈ្មោះ ជា បុប្ផា ភេទស្រី អាយុ ៤៤ ឆ្នាំ រស់នៅភូមិទួលស្វាយព្រៃ សង្កាត់ទួលស្វាយព្រៃ១ ខណ្ឌចំកាមន រាជធានីភ្នំពេញ និងឈ្មោះ មូ សែតញុក ភេទស្រីអាយុ ៤៣ ឆ្នាំ មានទីលំនៅភូមិកណ្ដាល សង្កាត់ស្ទឹងត្រែង ក្រុងស្ទឹងត្រែង ខេត្តស្ទឹងត្រែង ។

រថយន្តស្ទូចទី២ ពណ៌ស ពាក់ស្លាកលេខ ស្វាយរៀង ៣A-៧៦៧៧ បើកបរដោយឈ្មោះ គង់ វន្ថា ភេទប្រុស អាយុ ២៨ឆ្នាំ មុខរបរបើកបរមានទីលំនៅភូមិទទា សង្កាត់ចេក ក្រុងស្វាយរៀង ខេត្តស្វាយរៀង (គ្មានរបួស)។

មូលហេតុ៖ រថយន្តស្ទួចបត់ឆ្វេង។

ក្រោយកើតហេតុ សមត្ថកិច្ច ចុះវាស់វែង និងយកមធ្យោបាយមក រក្សាទុកនៅការិយាល័យ នគរបាលចរាចរណ៍ខេត្ត។ ចំណែកសាកសពប្រគល់ជូន គ្រួសារសពធ្វើបុណ្យតាមប្រពៃណី និងអ្នករងរបួសស្រាល ព្យាបាលនៅមន្ទីរពេទ្យបង្អែកខេត្តស្វាយរៀង៕

Loading...

Leave a Reply

This site uses Akismet to reduce spam. Learn how your comment data is processed.