ផ្ទះ ព័ត៌មានជាតិ ឥទ្ធិពលស្រាធ្...

ឥទ្ធិពលស្រាធ្វើឲ្យជនជាតិចិនមួយក្រុម ប្រើហិង្សាវ៉ៃគ្នា បណ្ដាលឲ្យសន្លប់ស្ដូកស្ដឹងម្នាក់

0

ភ្នំពេញ: បុរសជនជាតិចិនម្នាក់ បានសន្លប់ស្តូកស្តឹង បន្ទាប់ពីផឹកស៊ីវាយគ្នា បង្កឱ្យមានការភ្ញាក់ផ្អើល កាលពីវេលាម៉ោង ១០ និង ២០នាទីយប់ថ្ងៃច័ន្ទ ទី ២៨ ខែតុលា ឆ្នាំ ២០១៩ នៅចំណុចផ្លូវបេតុង ទល់មុខសាលារៀនត្រពាំងស្វាយ ក្នុងសង្កាត់គោកឃ្លាង ខណ្ឌសែនសុខ រាជធានីភ្នំពេញ។

ជនជាតិចិនមួយក្រុមខាងលើ មិនត្រូវបានស្គាល់អត្តសញ្ញាណនោះទេ។

ប្រភពពីកន្លែងកើតហេតុ បានឲ្យដឹងថា ដំបូងឡើយ គេឃើញជនជាតិចិនចំនួន ៥នាក់បានផឹកស៊ី តែមិនដឹងថា មានការទាស់ពាក្យសម្ដីយ៉ាងម៉េចទេ បណ្ដាលឱ្យវ៉ៃគ្នាសន្លប់ស្តូកស្តឹងម្នាក់ ធ្វើឲ្យភ្ញាក់ផ្អើលដល់ប្រជាពលរដ្ឋ រួមទាំងសមត្ថកិច្ចចុះមកអន្តរាគមន៍ ដោយឃាត់បានជនជាតិចិនចំនួន៤នាក់ យកទៅអធិការដ្ឋានខណ្ឌសែនសុខដើម្បីសួរនាំ ហើយក៏ទាក់ទងទៅរថយន្តសាមុយ មកដឹកជនរងគ្រោះ យកទៅសង្គ្រោះផងដែរ ។

ប្រភពដដែលបានប្រាប់ថា ជនជាតិទាំងអស់នោះ ធ្វើការជាមេការសំណង់ ស្នាក់នៅកន្លែងកើតហេតុខាងលើ។

បច្ចុប្បន្នជនសង្ស័យជាជនជាតិចិនចំនួន៤នាក់ ត្រូវបានសមត្ថកិច្ចកសាងសំណុំរឿង ចាត់ការតាមនីតិវិធី៕

Loading...

Leave a Reply

This site uses Akismet to reduce spam. Learn how your comment data is processed.