ផ្ទះ ព័ត៌មានជាតិ ជនជាតិបរទេសម្...

ជនជាតិបរទេសម្នាក់ ដេកស្លាប់ក្នុងផ្ទះជាន់ទី២ គ្មានអ្នកដឹង

0

ភ្នំពេញ: នៅវេលាម៉ោង ៣រសៀលថ្ងៃទី៣០ ខែតុលា​ឆ្នាំ២០១៩ តាមបណ្តោយផ្លូវ១១៨ កែងផ្លូវ១៥ ត្រង់ចំណុចផ្ទះជាន់ទី២ ស្ថិតនៅក្នុងភូមិ៦ សង្កាត់ផ្សារចាស់ ខណ្ឌដូនពេញ មានករណីបុរសជនជាតិអាមេរិកម្នាក់ ដេកស្លាប់ក្នុងផ្ទះជាន់ទី២ បង្កការភ្ញាក់ផ្អើលដល់សមត្ថកិច្ច ចុះមកត្រួតពិនិត្យ និងធ្វើកោសល្យវិច័យ។

ជនរងគ្រោះឈ្មោះ EDWARDS BRADFORD BOWMAN ជនជាតិអាមេរិកកាំង (UNITED STATES OF AMERICA) ភេទប្រុស អាយុ៦៥ឆ្នាំ មុខរបរ ទេសចរណ៍ ស្នាក់នៅទីតាំងខាងលើ។

ដំណើររឿង៖ មុនពេលកើតហេតុ គឺអ្នកជិតខាងគាត់ បានសង្ស័យថា ជនរងគ្រោះមានបញ្ហា ក៏តេទៅរាយការណ៍ ប្រាប់សមត្ថកិច្ច ប៉ុស្តិ៍ផ្សារចាស់ ហើយពេលនោះ សមត្ថកិច្ចក៏នាំកម្លាំង ចុះទៅដល់ទីតាំងខាងលើ ឡើងទៅបើកទ្វារផ្ទះរបស់ជនរងគ្រោះ ស្រាប់តែប្រទះឃើញសពដេកផ្កាប់មុខ ស្លាប់បាត់បង់ជីវិតបាត់ទៅហើយ ដោយមិនបានស្លៀកខោអាវនោះទេ ពេលនោះ
សមត្ថកិច្ច បានទាក់ទងជំនាញរបស់ស្នង ការរាជធានីភ្នំពេញ មកធ្វើកោសល្យវិច័យ សន្និដ្ឋានថា ជនរងគ្រោះ ស្លាប់ដោយសារជំងឺគាំងបេះដូង មូលហេតុគឺបណ្ដាលមកពីគាត់លេបថ្នាំច្រើនមុខពេក។

ក្រោយកើតហេតុសពជនរងគ្រោះ ត្រូវបានសមត្ថកិច្ចដឹកយកទៅតម្កល់ នៅវត្តទឹកថ្លាជាបណ្តោះអាសន្ន រង់ចាំទំនាក់ទំនងទៅឲ្យខាងក្រុមគ្រួសារ សាច់ញ្ញាតិមកទទួលយកសព៕

Loading...

Leave a Reply

This site uses Akismet to reduce spam. Learn how your comment data is processed.