ផ្ទះ ព័ត៌មានជាតិ កូនបង្កើត បំផ...

កូនបង្កើត បំផ្លិចបំផ្លាញទ្រព្យក្នុងផ្ទះមិនអស់ចិត្ត រករឿងវាយឪពុកថែមទៀត!!

0

កណ្ដាល: យោងតាមផេកការិយាល័យផ្សព្វផ្សាយតាមបណ្តាញសង្គម បានឲ្យដឹងថា ថ្ងៃសៅរ៍ ១២កើតខែបុស្ស ឆ្នាំជូតព.ស.២៥៦៤ ត្រូវថ្ងៃទី២៦ ខែធ្នូ ឆ្នាំ២០២០ មានករណីហិង្សាក្នុងគ្រួសារនៅចំណុច ភូមិព្រែកស្លែង ឃុំតាលន់ ស្រុកស្អាង ខេត្តកណ្តាល។

​ជនរងគ្រោះឈ្មោះ​ ហង់​ ហឿន ភេទប្រុស អាយុ៥៩​ ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកស្លែង ឃុំ តាលន់ស្រុកស្អាង ខេត្តកណ្តាល (ត្រូវជាឪពុក)។​

​ជនសង្ស័យ (ឃាត់ខ្លួន) ឈ្មោះ ហឿនឈុន ភេទប្រុស អាយុ២១ឆ្នាំ ជនជាតិខ្មែរ មុខរបរកសិករ មានទីលំនៅភូមិព្រែកស្លែង ឃុំតាលន់ ស្រុកស្អាង ខេត្តកណ្ដាល ត្រូវជាកូនបង្កើត។

វត្ថុតាងចាប់យក៖
-ទូកញ្ចក់ដាក់ខោអាវចំនួន០១​
-ទូកញ្ចក់ដាក់សម្ភារចំនួន០១
-ទូរទស្សន៍ចំនួន០១
-កៅអីជ័រពណ៌ក្រហមចំនួន០២។

​ដំណើររឿង៖ នៅថ្ងៃខែកើតហេតុ ជនសង្ស័យ បានស្រែកឡូឡា និងបានរករឿងឪពុកម្ដាយ ហើយវាយបំផ្លិចបំផ្លាញទ្រព្យសម្បត្តិ ក្នុងផ្ទះដូចជាទូកញ្ចក់​ដាក់ខោអាវ​ ទូរទស្សន៍​ និងធុងបាស។ លុះនៅថ្ងៃទី ២៦ខែ​ ធ្នូ​ ឆ្នាំ ២០២០ វេលាម៉ោង ១៣និង៣០នាទី ជនសង្ស័យបានស្រែកឡូឡា និងរករឿងឪពុកម្តាយម្តងទៀត ហើយបានវាយបំផ្លិចបំផ្លាញទ្រព្យសម្បត្តិ ក្នុងផ្ទះម្ដងទៀតដូចជាទូកញ្ចក់ដាក់សម្ភារ:កៅអីជ័រពណ៌ក្រហមពេលវាយបំផ្លាញទ្រព្យសម្បត្តិនៅក្នុងផ្ទះរួច សង្ស័យបានទៅវាយជនរងគ្រោះចំនួន០១ដៃចំស្មាខាងឆ្វេងថែមទៀត​។

ពេលទទួលបានពាក្យបណ្ដឹងពី ប្រពន្ធជនរងគ្រោះភ្លាម កម្លាំងសមត្ថកិច្ចនគរបាលប៉ុស្តិ៍តាលន់ បានចុះទៅដល់កន្លែងកើតហេតុ នាំខ្លួនជនសង្ស័យយកមកប៉ុស្តិដើម្បីធ្វើការសាកសួរ។

នៅចំពោះមុខសមត្ថកិច្ចនគរបាល ជនសង្ស័យបានសារភាពថា ខ្លួនពិតជាបានបំភ្លេចបំផ្លាញទ្រព្យសម្បត្តិ នៅក្នុងផ្ទះពិតប្រាកដមែន។

កន្លងមកជនសង្ស័យធ្លាប់ ត្រូវបានឪពុកម្តាយយកទៅមណ្ឌលកែប្រែបន្សាបគ្រឿងញៀនឱកាសខ្ញុំនៅរាជធានីភ្នំពេញម្តងរួចមកហើយ។

​បច្ចុប្បន្នជនសង្ស័យ បញ្ជូនមកអធិការដ្ឋាននគរបាលស្រុកស្អាង ដើម្បីកសាងសំណុំរឿងចាត់ការតាមនីតិវិធី៕​

មតិយោបល់