ព័ត៌មានសេដ្ឋកិច្ច

ក្រុងកែប និងក្រុងពោធិ៍សាត់ ទទួលបានពាន់រង្វាន់អាស៊ានផ្នែកនិរន្តរភាពបរិស្ថាន

កាលពីម្សិលមិញនេះ ទីក្រុងកែប និងទីក្រុងពោធិ៍សាត់ ត្រូវបានជ្រើសរើសជា ទីក្រុងទទួលបានពានរង្វាន់អាស៊ានផ្នែកនិរន្តរភាពបរិស្ថាន។ នេះបើយោងតាមទីភ្នាក់ងារសារព័ត៌មានជាតិ។

នេះជាការវាយតម្លៃនៅក្នុង កិច្ចប្រជុំក្រុមការងារអាស៊ាន ទទួលបន្ទុកនិរន្តរភាពបរិស្ថានទីក្រុងលើកទី ១៥ ដោយផ្តោតសំខាន់ទៅលើ សូចនាករ ៣សំខាន់គឺ ទឹកស្អាត ដីស្អាត និងខ្យល់ស្អាត។

ដើម្បីអនុវត្តន៍សូចនាករទាំងនេះ ក្រុមការងារ បានសម្រេចជ្រើសរើសទីក្រុងនៃ បណ្តាប្រទេសនីមួយៗក្នុងអាស៊ាន ដើម្បីប្រកួតយកពានរង្វាន់ ក្នុងនោះកម្ពុជា រើសយកទីក្រុងកែប និងទីក្រុងពោធិ៍សាត់ ជាទីក្រុងដែលនឹងទទួលបានពានរង្វាន់អាស៊ានផ្នែកនិរន្តរភាពបរិស្ថាន ដែលនឹងត្រូវធ្វើឡើងនៅ ប្រទេសព្រុយណេ ក្នុងខែកញ្ញា ខាងមុខនេះ។

លើសពីនេះទៅទៀត កម្ពុជា នឹងខិតខំបន្ថែម ដើម្បីធ្វើឲ្យបណ្តាទីក្រុងផ្សេងៗទៀត មាននិរន្តរភាពបរិស្ថានផងដែរ។

គួរជម្រាបដែរថា រាជរដ្ឋាភិបាល បាននិងកំពុងពង្រឹងពង្រីក តំបន់ការពារ ដូចជា ឧទ្យានជាតិមួយចំនួន ដើម្បីឲ្យខេត្ត ឬក្រុងទាំងនោះ សម្បូរទៅដោយភាពបៃតង ជាពិសេសគឺ ទឹកស្អាត ដីស្អាត និងខ្យល់ស្អាត៕

មតិយោបល់