បើទោះជារឿង«ទឹកភ្នែកកក»ត្រូវគេកត់សម្គាល់ថា បានសម្ដែងតួឯកដោយតារាប្រុសស្រីថ្មីស្រឡាង ប៉ុន្តែអ្នកនាងប៊ុន ចាន់និមល ដែលគេស្គាល់ភាគច្រើន តាមរយៈទំនុកបទចម្រៀងល្បីៗជាពិសេសបទ «សង្សារខ្ញុំប្រពន្ធគេ»របស់លោកកែវ វាសនា បានបង្ហាញជំនឿចិត្តច្រើន ថាស្នាដៃដំបូងរបស់ខ្លួននឹងជោគជ័យ ។

អ្នកនាងថាខ្លួនមានចំណុចខ្លាំងក្នុងដៃ ទើបការជឿជាក់ត្រូវបានលេចឡើង សម្រាប់រឿង«ទឹកភ្នែកកក»នេះ។
អ្នកនាងនិយាយថា សម្រាប់ផលិតករភាគច្រើន គឺបានរៀបចំការផលិតភាពយន្ត ដោយយកលំនាំតាមគ្នា ប៉ុន្តែសម្រាប់អ្នកនាងគឺអ្នកនាងប្ដេជ្ញា ធ្វើរឿងមិនឲ្យមានការរិះគន់ និងមិនឲ្យចាញ់ភាពយន្តនៅក្រៅប្រទេស របស់ប្រទេសជិតខាងនោះទេ។ អ្នកនាងថាខ្លួនមានគោលការណ៍ថ្មី តាំងពីមិនឲ្យតួស្លៀកពាក់ តាមការនឹកឃើញ និងមិនឲ្យតួទទួលសម្ដែងជាន់ជើងគ្នា ក្នុងពេលថតរឿងឲ្យខ្លួន មិនទាន់ចប់ ដោយក្រៅពីគោលការណ៍ទាំង២ អ្នកនាងក៏បានប្រកាសថាផលិតកម្ម SASTRA Film ក៏បានរៀបចំប្លង់មេជាច្រើនផ្សេងទៀត ដើម្បីធ្វើឲ្យខ្សែរឿង «ទឹកភ្នែកកក»ទទួលបានជោគជ័យ ក្នុងពេលដាក់បញ្ចាំងនៅទូរទស្សន៍បាយ័ន នៅដើមឆ្នាំក្រោយផងដែរ។ អ្នកនាងបានបង្ហាញនូវយុទ្ធសាស្រ្តសំខាន់ៗជាច្រើន ដែលនឹងរុញឲ្យក្ដីសង្ឃឹម របស់អ្នកនាងលេចចេញផ្លែផ្កាតាមការចង់បាន។

ខាងក្រោមនេះជាចំណុចខ្លាំងសំខាន់ៗ ដែលនាងប្រកាសឡើង ពាក់ព័ន្ធនឹងរឿង«ទឹកភ្នែកកក» ដែលអ្នកនាងរំពឹងខ្ពស់៖

https://www.youtube.com/watch?v=D6201AR9qlY&feature=youtu.be