គ្រាន់តែបានបង្ហោះ MV ដែលសម្ដែងដោយលោក ខៃ ប្រសិទ្ធិ មិនបានប៉ុន្មានម៉ោងផង គេឃើញ MV មួយនេះទទួលបានការចាប់អារម្មណ៍ដល់ក្រៅប្រទេសតែម្ដង។ អ្នករស់នៅក្រៅប្រទេសជាច្រើនរូបបានឆាតសួរនាំ និងថាតើសកម្មភាព របស់លោក ខៃ ប្រសិទ្ធិ នៅក្នុងMV ថ្មីនេះ ជាសកម្មភាពថតនៅកម្ពុជា ឬគ្រាន់តែជាប្លង់កាត់ត។ ម្នាក់ៗមានការភ្ញាក់ផ្អើល ដែលលោកចេញមុខទទួលថត MV នៅក្នុងស្ថានភាពដែលគេធ្លាប់ប៉ាន់ស្មានថា លោកមិនហ៊ាននឹងមកកម្ពុជា ក្នុងភាពបើកចំហនោះផង ដោយសារតែលោកត្រូវគេដឹងថាស្ថិតក្នុងការភ័យខ្លាចជុំវិញរឿង អ្នកនាង ពិសិដ្ឋ ពិលីកា នៅឡើយ។

បើទោះជាលោកប្រកាសថាលែងខ្លាច តែលោក ខៃ ប្រសិទ្ធិ នៅត្រូវគេកត់សម្គាល់ថាបង្ហាញខ្លួននៅកម្ពុជាលាក់ៗ ដោយសូម្បីតែលោកចុះមកថត MV អោយលោកសាវិន ហ្វីលីព ក៏មិនហ៊ាននៅយូរនោះដែរ គឺចាកចេញទៅថៃភ្លាមៗ ដើម្បីទៅមើលម្ដាយឈឺ តែត្រូវគេប៉ាន់ស្មានថាដើម្បីសុវត្ថិភាព។

រាល់ពេលលោកមកដល់កម្ពុជា លោកមិនដែលបង្ហាញខ្លួនក្នុងនាមជាតារាល្បីដោយបើកចំហនោះទេ ទើបសកម្មភាពក្នុងMV របស់លោកគ្រាន់តែបានបង្ហោះភ្លាម ក៏មានអ្នកShare ហើយមានការភ្ញាក់ផ្អើលរហូតដល់អ្នក អាមេរិក បារាំង និង អូស្រ្តាលី ទីកន្លែងដែលគាត់រស់នៅតែម្ដង។

អ្នករស់នៅក្រៅប្រទេសមួយចំនួនមិនទាន់ចង់ជឿថា បទចម្រៀង”ឳពុកអ្នកក្រ” គឺជាសម្ដែងដោយផ្ទាល់របស់លោក និងជាការសម្ដែងនៅក្នុងប្រទេសកម្ពុជានោះទេ ដោយសារតែគ្រប់អ្នកតាមដានពីលោក នៅយល់ថាលោកមិនទាន់មានសុវត្ថិភាព១០០ភាគរយ សម្រាប់ការបង្ហាញខ្លួននៅក្នុងប្រទេសកំណើត។

អ៊ីចឹងហើយទើបម្នាក់ៗផ្ដោតការចាប់អារម្មណ៍ចំពោះការសម្ដែងមួយនេះ ដោយម្នាក់ៗចាត់ទុកថានេះជាស្នាដៃដែលលោកហ៊ានសម្ដែងព្រោះតែនៅស្រលាញ់សិល្បៈនោះផង។

តោះចង់ដឹងថាការសម្ដែងរបស់លោកខៃ ប្រសិទ្ធិ ទាក់ទាញកម្រិតណា សូមអញ្ជើញទស្សនា៖​​

https://m.youtube.com/watch?v=QqrqMi-gNDg