អាមេរិកៈ នារីម្នាក់មានទំនុកចិត្ត និងមានមោទនភាពយ៉ាងខ្លាំងចំពោះរូបសម្រស់របស់ខ្លួន ហើយនាងមានអារម្មណ៍ថាខ្លួននាងកាន់តែសិចស៊ី នៅពេលដែលនាងដុះរោមទ្រូង និងពុកចង្កាស្រមូមដូចមនុស្សប្រុស។

នាង Rose Geil អាយុ ៣៩ឆ្នាំ រស់នៅក្នុងរដ្ឋ Oregon សហរដ្ឋអាមេរិក មានពុកចង្កាដុះពេញផ្ទៃមុខ ព្រមទាំងមានដុះរោមទ្រូងដូចបុរសដែរ។នាងមិនដែលមានអារម្មណ៍ខ្លួនឯងជាមនុស្សស្រី ឬ សិចស៊ីនោះទេ នៅពេលដែលនាងចាប់ផ្តើមដុះពុកចង្កា និងរោមទ្រូង​ដំបូងពេលនាងមានអាយុ១៣ឆ្នាំ ហើយនាងត្រូវកោរចេញជារៀងរាលថ្ងៃ។ក្រោយកោរសម្អាតមួយរយះ និងប្រើវិធីបំបាត់ដោយប្រើ​ឧបករណ៍លេហ្សី(laser)​ដែលមានតម្លៃថ្លៃមក រោមទ្រូងនិងពុកចង្ការបស់នាងកាន់តែដុះខ្លាំងឡើង។

លុះបានបីបួនឆ្នាំក្រោយមកទៀត នាងហាក់ដូចជាផ្លាស់ប្តូរឥរិយាបថទៅស្រលាញ់ និងចូលចិត្តរោមនិងពុកចង្ការបស់នាងទៅវិញ។
នាង Rose Geil បាននិយាយថាៈ “ការកើនឡើងនៃពុកចង្ការរបស់ខ្ញុំ ធ្វើឱ្យខ្ញុំមានទំនុកចិត្តបានច្រើនជាងមុន។ ខ្ញុំមានអារម្មណ៍ថាស្អាតណាស់ជាមួយនឹងពុកចង្ការរបស់ខ្ញុំ ហើយខ្ញុំមិនដែលមានអារម្មណ៍ថា​​ មុខខ្ញុំស្អាតទេបើគ្មានពុកចង្កា។
វាមានអារម្មណ៍ថាអស្ចារ្យណាស់ការដែលធ្វើជាខ្លួនខ្ញុំបែបនេះ! “៕