មានតារាចម្រៀងប្រុសស្រីមិនតិចទេ ដែលចង់បាននូវតំណែងស្ថិតក្នុងស្រទាប់បេះដូង យុវវ័យ ទាំងក្នុងនឹងក្រៅប្រទេស ភាពល្បីល្បាញនេះវាអាស្រ័យសលើ ទឹកដមសម្លេង រួបសម្រស់ និងសកម្មភាពផ្សេងៗចូលរួមក្នុងចំណែកសង្គម ។
ឱក សុគន្ឋកញ្ញា គឺជាតារាមួយដួងស្ថតក្នុងទ្រនំដ៏ស្កឹមស្កៃ របស់ផលិតកម្មហង្សមាស ហើយក៏ជាតារាមួយដូង ដែលទទួលបានប្រជាប្រិយភាពបំផុតក្នុងឆ្នាំ២០១២ នេះ ។ជាមួយនឹងការបើកនូវទំព័រឆ្នាំថ្មី គេសង្កេតឃើញ សុគន្ឋកញ្ញា ទទួលបានតំណែងជាអ្នកចម្រៀងស្រីដែលល្បីជាងគេ ក្នុងចំនោមតារាចម្រៀងស្រីទាំងអស់ក្នុងព្រះរាជាណាចក្រកម្ពុជា ទន្ទឹមនឹងភាពល្បីល្បាញផ្នែកចម្រៀងនេះដែរ សុគន្ឋកញ្ញា ក៏បានថតស្ពត ឲ្យក្រុមហ៊ុនកូកាកូឡា ដែលជាក្រុមហ៊ុនលំដាប់យក្សមួយ ។
ជាមួយនឹង ៩ ខេត្តក្រុង ក្នុងការប្រគុំតន្ត្រីរបស់ កូកាកូឡា រឹតធ្វើឲ្យ សុគន្ឋកញ្ញា ទទួលប្រជាប្រិយភាពលើលដើម ។ បើនិយាយ ពីបទចម្រៀងវិញ បទដែលទទួលបានការគាំទ្របំផុត ក្នុងឆ្នាំ ២០១២ នេះ គឺបទ “នៅក្បែរអូនជាសង្សារអូន នៅក្បែរគេជាសង្សារគេ ” និង បទ “សន្យាមុនគេង” និពន្ឋទំនុកច្រៀងដោយ លោក សុខ ចាន់ផល ដែលជាកវីឆ្នើមរបស់ផលិតកម្មហង្សមាស ។
តើក្នុងឆ្នាំ ២០១២ នេះ តារាស្រីណាមួយដែលអាចដណ្តើមប្រជាប្រិយភាពពី ឱក សុគន្ឋកញ្ញា ទៅ ? ៕
មតិយោបល់