សុគន្ឋ និសា អតីតតារាចម្រៀងប្រចាំផលិតម្ម រស្មីហង្សមាស ដ៏ល្បីល្បាញម្នាក់ ធ្លាប់រងនូវពាក្យចចាមរ៉ាមជាញឹកញយ រឿងស្នេហាជាមួយនឹងកវីវ័យក្មេង សុខ ជំនោរ ដោយមូលហេតុរឿងវិវាទចម្រូងចម្រាសនឹងគ្នា រហូតដល់ បែកបាក់ស្នេហា នឹងបែងចែកទ្រនំរៀងខ្លួនទៀតផង ។
និសា ដែលជា ចំណុងចុងផ្តើមដោយ សុខ ជំនោរ តាំងពីផលិតកម្ម រស្មីស្ទឹងសង្កែ រហូតដល់ទ្រនំខ្ពង់ខ្ពស់ដូចសព្វថ្ងៃ ដែលជា ទ្រនំស្តុក ដែលធ្វើឲ្យ សុគន្ឋ និសា ទទួលនូវកេរ្តិ៍ឈ្មោះល្បីល្បាញដូចបច្ចុប្បន្ន។រយៈពេលជិត ១០ ឆ្នាំ នៃការសាងកេរ្តិ៍ ឈ្មោះ និងសន្សំបានផ្ទះនៅជាមួយគ្នា នៅទល់មុខនឹងព្រលានយន្តហោះពោធិចិនតុង តែក្រោយពីបានរស់នៅជាមួយគ្នាមួយរយៈ ការរស់នៅនោះមិនទទួលបានសេចក្តីសុខ នោះទេ ដោយ សុគន្ឋ និសា ធ្លាប់ប្រាប់ដល់សារព័ត៌មានមួយចំនួនថា “នាងមិនអាចរស់នៅជាមួយនឹងគាត់បានទេ ការរស់នៅនេះប្រៀបបាន ទឹក និង ប្រេង” ។ ទោះបីជាការអះអាងយ៉ាងនេះក្តី សុខ ជំនោរ ក៏ធ្លាប់ប្រាប់ពីមូលហេតុដែលបែកបាក់ដល់សារព័ត៌មាន “សុគន្ឋ នីសា បោះបង់ស្នេហ៍ខ្ញុំ” ។ មានតារាជាច្រើនដែលបែកបាក់គូស្នេហ៍នេះនៅឆ្នាំ ២០១១ ក្រៅពី សុខ ជំនោរ និង សុគន្ឋ និសា មាន លោក គង់ វិលាល និង កញ្ញា ពេជ្រ សិរីរ័ត្ន សុខ ស្រីនាង និង លោក ស៊ី សុវត្តិ និងមានតារាជាច្រើនរូបទៀត ។
ក្រោយពីបែកទ្រនំស្នេហ៍ តារាដែលជាគូស្នេហ៍នេះស្វះស្វែង រកទ្រនំផលិតកម្មថ្មី ជាក់ស្តែង អតីតតារាចម្រៀងស្រី សាច់សរខ្ចីដូចបណ្តូលចេក សុគន្ឋ និសា គេឃើញវត្តមាននៅក្នុងផលិតដ៏ធំគួរសមមួយក្នុងព្រះរាជាណាចក្រកម្ពុជា នោះគឺ ផលិតកម្ម ថោន ។នៅតាមបណ្តាញទំនាក់ទំនងសង្គម Facebook គេឃើញ Cover CD របស់ផលិតកម្ម ថោន មានវត្តមានរបស់តារាស្រីរូបស្រស់សំដីផ្អែម សុគន្ឋ នីសា និង លោក ករុណា ពេជ្រ ស្ថិតក្នុងវ៉ុលទី ២១ មានបទចម្រៀង “សង្សារខ្ញុំប្រុងរត់ចោលខ្ញុំហើយ” និង បទ”បងនឹកគេដល់ថ្នាក់ចង់ឈឺ” ដែលជាវ៉ុលដំបូងរបស់ សុគន្ឋ នីសា ក្នុងផលិតកម្ម ថោន ។
ជុំវិញនូវការចេញ អាលប៊ុម ថ្មីនេះ តើសុគន្ឋ នីសា អាចមានឈ្មោះ បោះសម្លេង ដូចផលិតកម្មចាស់ដែរ ឬទេ ? ហើយអាចមានបទចម្រៀងចេញច្រើននៅលើទីផ្សារ ដូចរស្មីហង្សមាសដែរទេ? នៅហង្សមាសមានបង្អែក ចុះនៅ ថោនមានបង្អែកអត់ ?
ប្រិយមិត្តរបស់ ដំណឹង អាចប្រាប់បានទេ ថា សុគន្ឋ នីសា អាចសាងកេរ្តិ៍ឈ្មោះល្បីដូចហង្សមាសទេ ?៕
អត្ថបទ៖ បុរសដំណឹង
មតិយោបល់