ការសិក្សាស្រាវជ្រាវថ្មីមួយ ដែលចេញផ្សាយដោយព្រឹត្តិបត្រស្រាវជ្រាវប្រឆាំងមហារីក Anticancer Research នាពេលកន្លងទៅនេះ បានរកឃើញថា សារធាតុណូស្តាពីន ដែលមាននៅក្នុងថ្នាំក្អក អាចទប់ស្កាត់ការរីករាលដាលនៃមហារីកប្រូស្តាត ។
បណ្ឌិតជនជាតិ អ៊ីស្រាអែល បារខេន អ្នកស្រាវជ្រាវពីមូលនិធីស្រាវជ្រាវ និងមហារីកប្រូស្តាត រដ្ឋកាលីហ្វរញ៉ា និងសហការី បានអះអាងដូចនេះបន្ទាប់ពីបានធ្វើកាស្រាវជ្រាវទៅលើកណ្តុរ ចំនួន ២០ ក្បាល ដែលមានមហារីកប្រូតស្តាត ដោយចែកជាពីរក្រុមមួយក្រុមបានចាក់ថ្នាំ ណូស្តាពីន ហើយមួយក្រុមទៀតពុំមានចាក់ថ្នាំប្រភេទនេះ ។ បន្ទាប់ពីចាក់ស្តាំរួចរាល់ហើយ លទ្ឋផលបានសបញ្ជាក់ថា ក្រុមកណ្តុរដែលមានចាក់ថ្នាំ ណូស្តាពីន មានអត្រារីករាលដាលមហារីកតិច ជាងក្រុមកណ្តុរដែលពុំមានចាក់ថ្នាំនេះ ទៅដល់ ៦៩ ភាគរយ ។
បណ្ឋិតអ៊ីស្រាអែលរូបនេះ បានសន្និដ្ឋានថា “ការសិក្សានេះ បានបង្ហាញណូស្តាពីន អាចជាថ្នាំដ៏មានប្រសិទ្ឋភាព និងសុវត្តិភាព សម្រាប់ការព្យាបាលមហារីកប្រូស្តាត ដោយពុំមានផលជះផលប៉ះពាល់អ្វីដល់សុខភាព មនុស្សនោះទេ ប៉ុន្តែយើងត្រូវសិក្សាបន្ថែមទៀតលើបញ្ហានេះ” ៕
មតិយោបល់