ព្យុះព័ត៌មានដែលរិះគន់ពីបញ្ហា លួចចម្លងបទបរទេសមកធ្វើកម្មសិទ្ធខ្លួន និងរិះគន់ចំៗទៅលើផលិតកម្មធំៗចំនួន ៣ នៅក្នុងស្រុកខ្មែរ ដែលសឹងធ្វើឲ្យម្ចាស់ផលិតកម្មទាំងនោះ រកពាក្យតបមិនរួច ដោយបានបង្ហាញភស្តុតាងភ្ជាប់ជាមួយនឹងបទចម្រៀងដែលខ្លួនបានបង្កើត ហើយក៏ធ្វើឲ្យអ្នកដឹកនាំមួយចំនួនប្រតិកម្មលើបញ្ហានេះផងដែរ។
យើងសង្កេតឃើញថា មានទំព័រ មួយនៅលើបណ្តាញទំនាក់ទំនងសង្គមហ្វេសប៊ុក ដែលមានឈ្មោះថា Anti Copy Songs ដែលជាក្រុមមួយអង្គុយចាំតែរិះគន់ និងប្រៀបធៀបបទថ្មី ដែលផលិតកម្មធំៗបី បានចេញផ្សាយនាពេលកន្លងមក បានបង្ហាញថា មានបទចម្រៀងខ្មែរច្រើនណាស់ដែលយកពីបរទេស ទាំងសាច់ភ្លេង និងកាយវិការសម្តែង ដែលមានបទខ្លះទៀតចម្រៀងផ្សេង យកកាយវិការ បទតាំងពីពេលណារបស់បរទេសដាក់ក៏មានដែរ។
ក្រោយរលកព្យុះព័ត៌មានបោកបក់ រេរាំ ស្រាប់តែពេលថ្មីៗនេះ យើងសង្កេតឃើញថា នៅលើ Wall Post របស់កវីនិពន្ធ យឹម តាស្រង់ បានបង្ហោះវិដេអូចម្រៀង ដែលមានរយៈពេល ១ នាទី ២៧ វិនាទី ក្រោមចំណងជើងថា “ការស្រលាញ់ដែល អូនមិនអាចស្មោះបង” ដែលច្រៀងដោយ តារាចម្រៀង សំឡេងមិនសូវបាន សុគន្ធ ថេរ៉ាយុ។ភ្ជាប់ជាមួយនឹងបទចម្រៀងនោះដែរ គេឃើញសរសេរអក្សរថា និពន្ធ Melody និង និពន្ធទំនុកច្រៀង ដោយ យឹម តាស្រង់ ។ កាន់តែពិសេសពិសាលជាងនេះទៅទៀត នោះគឺគេសរសេរថា និពន្ធបទភ្លេងថ្មី ៖ដា(Fire Band) ។
https://i1272.photobucket.com/albums/y389/domneng/2013-05-21_234304_zpscd251a92.jpg
ទន្ទឹមនឹងការបង្ហោះវិដេអូចម្រៀង បានប៉ុន្មានម៉ោងនោះ ក៏មានក្រុមអ្នកអនឡាញហ្វេសប៊ុក ក៏បានធ្វើការសរសើរទៅលើ បទចម្រៀងថ្មីនេះ ដែលជាចម្រៀងនិពន្ធដោយ កវី និពន្ធ យឹម តាស្រង់ និងមានអ្នកខ្លះរហូតដល់សុំឲ្យ យឹម តាស្រង់ បង្រៀនសរសេរ Melody ទៀងផង ចំណែកអ្នកខ្លះទៀតក៏បានសរសើរថា ពិរោះដែរតើ។
បទ”ការស្រលាញ់ដែល អូនមិនអាចស្មោះបង ” នេះដែរ យើងពិតជាមានមោទនៈភាពខ្លាំងណាស់ដែល ផលិតកម្មក្នុងស្រុកចាប់ផ្តើមបង្កើតវាឡើង ដោយមិនចម្លងពីគេ។តែក្នុងករណី បទនេះជាបទដែលចម្លងពីគេវិញ ដោយអួតដាក់ថាជា Melody ថ្មី និង បទភ្លេងថ្មីយ៉ាងនេះ ដែលបង្កើតដោយខ្លួនដូចលើកមុននោះ មហាជនខ្មែរ មិនដឹងយកមុខទៅទុកឯណានោះទេ។ផ្តើមចេញពីអ្នក ដែលជាអ្នកផ្សព្វផ្សាយវប្បធម៌ និងសិល្បៈខ្មែរ នោះខ្មែរ និងមានកិត្តិនាមលើពិភពលោក ក្នុងពេលឆាប់ៗខាងមុខនេះ៕
ស្តាប់បទចម្រៀង បង្កើតឡើងដោយកូនខ្មែរដូចខាងក្រោមនេះ៖
មតិយោបល់