នៅក្នុងសង្កាត់ កំពូល ខណ្ឌ ពោធិ៍ សែនជ័យ ស៊ុនហេង វាសនា ត្រូវបានគេស្គាល់ថាជាតារាចម្រៀងពន្លកសិល្បៈជំនាន់ក្រោយ នៅក្នុងផលិតកម្ម U2 ដែលកំពុងមានមហិច្ចតាចង់ហក់លោតច្បាមយកប្រជាប្រិយភាពពីទស្សនិកជនក្នុងពេលឆាប់ៗខាងមុខនេះ។
ស៊ុនហេង វាសនា ដែលមានវ័យ ២៣ ឆ្នាំ សិក្សានៅសាកលវិទ្យាល័យ ន័រតុន ឆ្នាំទី ៣ ផ្នែកគ្រប់គ្រង ។ តារាវ័យ ២៣ រូបនេះ មានឪពុកឈ្មោះ ស៊ុន ឃី (ស្លាប់) ម្តាយឈ្មោះ ហ្គូវ ហ៊ុយជូ ជាអ្នកប្រកបអាជីពផ្នែកតម្បាញ ។ វាសនា មានបងប្អូន ៧ នាក់ ស្រី ២ នាក់ និង ប្រុស ៥ នាក់ ដោយ វាសនា ជាកូនទី ៦ ក្នុងគ្រួសារ។
https://i1272.photobucket.com/albums/y389/domneng/602283_10201294877672755_287478803_n_zps89184e4c.jpg
តារាចម្រៀង ស៊ុនហេង វាសនា និងតារាចម្រៀងស្រី ផល សុរ៉ាន់យ៉ា
ជាមួយនឹងរូបរាងដ៏ស្រស់សង្ហារ សំឡេងធ្ងន់ ស៊ុន ហេងវាសនា បានប្រាប់ដល់ គេហទំព័រ ដំណឹង តាមទូរស័ព្ទ ដៃនៅរសៀលនេះថា “ខ្លួនទើបតែប្រឡូកក្នុងសិល្បៈបានតែមួយរយៈខ្លីតែប៉ុណ្ណោះ ដោយទទួលបានការបណ្តុះបណ្តាលពីម្ចាស់ផលិតកម្ម U2 រយៈពេល ៣ ខែ ទើបរហូតមកច្រៀងដាក់ថាសស៊ីឌីតែម្តង។ ស៊ុនហេង វាសនា បានបន្តទៀត សម្រាប់ការហក់ចូលច្រៀងក្នុងផលិតកម្ម U2 ជាលើកដំបូងនេះ ខ្លួនមិនដែលឆ្លងកាត់ការច្រៀងពីមុនឡើយ តែសំណាងល្អដែលម្ចាស់ផលិតកម្មផ្តល់ឱកាសឲ្យខ្លួនបានបង្ហើរសំនៀងក្នុងស៊ីឌី វ៉ុល ២៤ ដែលក្នុងនោះមានបទចម្រៀង “មាននឹកឃើញបងទេ” និងបទ “ស្នេហ៍មាសមេឲ្យដូចគ្រាដើម” ដែលកំពុងតែក្រឡុកទីផ្សារសិល្បៈ។
សម្រាប់វ៉ុលថ្មីរបស់ខ្លួន ស៊ុនហេង វាសនា តារាស្បែកសភ្នែករាងលឹម ជាប់សែស្រលាយចិន បានបន្ថែមទៀតថា “ខ្លួននឹងសង្ឈឹមថា នឹងទទួលបានប្រជាប្រិយភាពក្នុងពេលឆាប់ៗ ដរាបណាប្រិយមិត្តនៅតែគាំទ្រថាសចម្រៀងរបស់ផលិតកម្ម U2″។
ក្រៅពីផ្តោតអារម្មណ៍លើវិស័យសិល្បៈ តារាចម្រៀងវ័យ ២៣ ឆ្នាំរូបនេះ ក៏មានគោលបំណងចង់ក្លាយជាអ្នកធ្វើការក្នុងស្ថាប័នរដ្ឋ ដែលត្រូវនឹងជំនាញដែលខ្លួនកំពុងសិក្សា នាពេលអនាគត់ផងដែរ៕
មតិយោបល់