លឹម ផាន់ណា គឺជាកវីស្រី វ័យក្មេងម្នាក់ ដែលមានដឹកដៃក្នុងការសរសេរកំណាព្យយ៉ាងប៉ិនប្រសប់ និងមានអត្ថន័យទៀតផង។សម្រាប់អ្នកលេងទំព័របណ្តាញទំនាក់ទំនងសង្គមយក្សហ្វេសប៊ុកមួយចំនួនប្រាកដជាស្គាល់នាងច្បាស់ ដូចនឹង គេហទំព័រ ដំណឹង ផងដែរ ។
មុនៗរាល់ស្នាដៃរបស់ លឹម ផាន់ណា ដែលបានផ្ញើរមកកាន់ គេហទំព័រ ដំណឹង មិនដែលរំលងក្នុងការចុះផ្សាយចែកជូនប្រិយមិត្ត ឲ្យដឹង និងយល់ពីអត្តន័យ តាមរយៈស្នាដៃរបស់នាង ដែលវាចារតាមរយៈកំណាព្យ។ទន្ទឹមជាមួយនឹងគ្នានេះ នៅលើបណ្តាញទំនាក់ទំនងសង្គមហ្វេសប៊ុកនាពេលថ្មីៗនេះ លឹម ផាន់ណា បានបង្ហាញ ស្នាដៃថ្មីរបស់នាង ជាមួយនឹងចម្រៀងក្រោមចំណងជើងថា “ស្រណោះសម័យសង្គមរាស្ត្រនិយម” ដែលធ្វើឲ្យអ្នកគាំទ្ររបស់នាងភ្ញាក់ផ្អើល និងសរសើរថាជាបទចម្រៀងល្អ។ គ្រាន់តែក្រឡេកឃើញ ចំណងជើងបទចម្រៀងនេះភ្លាម ប្រិយមិត្តជិតឆ្ងាយ ប្រាកដជានឹកដល់ អង្គសម្តេចតានៃយើង ជាមួយនឹងស្នាព្រហស្តដែលព្រះអង្គបានកសាង កាលពីនៅមានព្រះជន្មក្នុងសម័យកាលនោះ។
ជាមួយនឹងការរំលេចពាក្យពេចន៍ដ៏ល្អឯក និងអត្តន័យហៀរហូរ លឹម ផាន់ណា ក៏ត្រូវបានគេដឹងថា នាងមានទំនុកច្រៀងជាច្រើន នៅក្នុងផលិតកម្ម Diamond Music និងស្នាដៃប្រលោមលោកនានាដែលបានបង្ហោះតាមអនឡាញ ក្នុងនោះដំណឹងក៏បានយកមកចុះផ្សាយផងដែរ៕
ស្តាប់បទចម្រៀង “ស្រណោះសម័យសង្គមរាស្ត្រនិយម” ដូចខាងក្រោមនេះ៖
មតិយោបល់