(ថៃ)៖ ទីបំផុតក្រោយរុករកអស់ចំនួន ២ ថ្ងៃពេលនេះ សាកសពរបស់តារាស្រីថៃ Tangmo Nida ត្រូវបានរាយការណ៍មកថា រកឃើញហើយនៅទន្លេចៅប្រះយ៉ា។ សាកសពរបស់Tangmo Nida ត្រូវបានសមត្ថកិច្ចប្រទះឃើញនាវេលាថ្ងៃត្រង់ ថ្ងៃទី ២៦ កុម្ភៈ ឆ្នាំ ២០២២ ក្នុងសភាពហើមអណ្ដែតទឹក។

ហេតុការណ៍ដ៏រន្ធត់នេះ បានកើតឡើងប្រហែលម៉ោង ១០ និង ៤០នាទីយប់ថ្ងៃទី ២៤ កុម្ភៈ ឆ្នាំ ២០២២ ក្នុងបរិវេណស្ពានព្រះរាមទី៧ ខេត្តនុនថ:ប៊ុរី បរិវេណ ក្រុងថេមមហាណាខន។ តារាសម្ដែង Tangmo Nida ត្រូវបានរាយការណ៍ថាបានធ្លាក់ចូលក្នុងទន្លេ ក្នុងអំឡុងពេលជិះអូរប័រកម្សាន្តជាមួយមិត្តភក្តិក្នុងនោះក៏មានអ្នកចាត់ការផ្ទាល់ខ្លួនផងដែរ។

ក្រោយរកឃើញភ្លាមៗ គ្រប់គ្នា ពិសេសក្រុមគ្រួសារ សង្សារ និងមិត្តជិតស្និទ្ធ ក៏បាន ពិនិត្យសព្វគ្រប់ ទើបសន្មតថានោះគឺជា Tangmo ពិតមែន អាស្រ័យលើការចំណាំឈុតដែលស្លៀកនៅថ្ងៃកើតហេតុ និងភិនភាគរបស់នាង៕