យោងតាមគេហទំព័រ Tv Pool នៅព្រឹកថ្ងៃទី ១២ ខែតុលា ឆ្នាំ២០១៦ បានចេញផ្សាយថា ថ្មីៗនេះនៅលើបណ្ដាញទំនាក់ទំងសង្គម ហ្វេសប៊ុក បានថតបង្ហោះរូប ប្រហិតជាប់សរសៃសក់ នៅពីក្នុងសាច់ប្រហិត ដែលជាប់មានស្លាកសញ្ញា របស់ក្រុមហ៊ុន CP នៅជាប់ពីក្រោយប្រហិតនេះ ។

រឿងរ៉ាវនេះកើតឡើងនៅពេល នារីជនជាតិថៃម្នាក់បានទិញប្រហិតសាច់មាន់ ម៉ាក CP ពីផ្សារទំនើប ខណ:ដែលនាងហែកកញ្ចប់ដកយកប្រហិតមក ក៏ស្រាប់តែនាងប្រទះឃើញមាន សរសៃសក់នៅក្នុងសាច់ប្រហិត តែនាងក៏ឆ្ងល់ដែរថា មិនជាសរសៃសក់ ឬ រោម ព្រោះប្រវែងរាងខ្លីបន្តិចដែរ ។

គួរបញ្ជាក់ផងដែរថា នាងបានសរសរនៅលើហ្វេសប៊ុកទាំងកំហឹងថា ” នាងខ្ញុំធ្វើការហត់ រហូតដល់ភ្លេចហូបបាយ ក៏រកឆៀងចូល Tesco Lotus ទិញប្រហិតសាច់មាន់ រួចឲ្យបុគ្គលិកនៅទីនោះជួយចម្អិនឲ្យ ស្រាប់តែមកដល់ក្នុងឡានភ្លាម នាងខ្ញុំហែកកញ្ចប់ លូកយកប្រហិតមកហូប ស្រាប់តែឃើញមានរោមខ្លីៗក្នុងប្រហិត ស្ទើតែហូបចូលមាត់ទៅហើយ “។ នេះជាប្រការគួរប្រុងប្រយ័ត្នមុនបរិភោគ ៕