ភ្នំពេញ: ប្តីប្រពន្ធ២នាក់បានរត់មកដាក់ពាក្យបណ្តឹងនៅប៉ុស្តិ៍នគរបាលចោមចៅ បន្ទាប់ពីត្រូវបានជនសង្ស័យកាច់សោ កម៉ូតូយកទៅបាត់ដោយសុវត្ថិភាព។

ហេតុការណ៍នេះបានកើតឡើងកាលពីវេលាម៉ោង២និង៥០នាទីរសៀល ថ្ងៃទី២៤ ខែមីនា ឆ្នាំ២០១៧ ស្ថិតនៅភូមិត្រពាំងថ្លឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ ។

ប្តីប្រពន្ធទាំង២នាក់ខាងលើ មានស្រុកកំណើតភូមិអំពិលទឹក ឃុំអំពិលទឹក ស្រុកកំពង់ត្រឡាច ខេត្តកំពង់ឆ្នាំង។

ប្រភពពត៌មានពីនគរបាលចោមចៅបានឲ្យដឹងថា មុនពេលកើតហេតុ ស្ត្រីជាម្ចាស់ម៉ូតូបានទុកម៉ូតូនៅក្រោមដើមឆ័ត្រនៅមុខបន្ទប់ ដោយចាក់សោ កត្រឹមត្រូវហើយឡើងទៅជាន់ខាងលើ លុះដល់វេលាម៉ោងកើតហេតុ ក៏ក្រឡេកមើលម៉ូតូ ស្រាប់តែឃើញជនសង្ស័យ២នាក់មិនស្គាល់អត្តសញ្ញាណបានបានធ្វើសកម្មភាពកាច់សោ កជិះម៉ូតូរបស់គាត់ចេញទៅបាត់តែម្តង។ ម៉ូតូដែលជនសង្ស័យកាច់សោ ក យកទៅនោះម៉ាកឌ្រីមសង់សេ១២៥ ស៊េរីឆ្នាំ២០១៧ ពណ៌ខ្មៅ ពាក់ស្លាកលេខកោះកុង1B-2447។

ក្រោយពេលកើតហេតុជនរងគ្រោះទាំង២នាក់ប្តីប្រពន្ធបានរត់មកដាក់ពាក្យបណ្តឹងនៅប៉ុស្តិ៍នគរបាលចោមចៅទាំងសោកស្តាយ៕

//youtu.be/VSKtSVfS9vA