តាកែវៈ លោកអធិការរងស្រុកបាទី បានប្រាប់ Post News ថា មានករណីគ្រោះថ្នាក់ចរាចរណ៍ រថយន្តបុកកិនក្មេងជិះកូនកង់ បណ្តាលឲ្យស្លាប់ភ្លាមៗនៅនឹងកន្លែង។
ហេតុការណ៍ភ្ញាក់ផ្អើលនេះបានកើតឡើងកាលពីវេលាម៉ោង៦និង៥០នាទី យប់ថ្ងៃទី២៩ ខែមេសា ឆ្នាំ២០១៧ នៅ ចន្លោះគីឡូម៉ែត្រ៣៧-៣៨ ស្ថិតក្នុងភូមិនាល ឃុំតាំងដូង ស្រុកបាទីខេត្តតាកែវ ។
សមត្ថកិច្ចបានឲ្យដឹងថា រថយន្ដម៉ាកសាំយ៉ុង ពណ៌ស ពាក់ស្លាកលេខ ភ្នំពេញ2D-6619 បើកបរដោយឈ្មោះថិន ចាន់រស្មី ភេទប្រុស អាយុ៣១ឆ្នាំ ស្នាក់នៅភ្នំពេញ បានចូលចាក់ប្រេងនៅការ៉ាស់សាំង ចាក់រួចបានបើកចេញថយក្រោយកិនក្មេងអាយុ៣ឆ្នាំ បែកក្បាលធ្លាយខួរស្លាប់ ជាកូនរបស់ម្ចាស់ការ៉ាស់សាំងដែលជិះកូនកង់បីចុះឡើងនៅមុខការ៉ាស់សាំង ហើយតៃកុងឡានមើលមិនឃើញ។
ក្រោយពីកើតហេតុ សមត្ថកិច្ចបានចុះទៅដល់កន្លែងកើតហេតុ ធ្វើការវាស់វែង និងនាំយករថយន្តខាងលើមករក្សាទុក រង់ចាំការដោះស្រាយគ្នាពេលក្រោយតាមនីតិវិធីច្បាប់៕
មតិយោបល់