កំពង់ឆ្នាំងៈ យោងតាមផេកអគ្គនាយកដ្ឋានកាំកុងត្រូវ បានឲ្យដឹងថា នៅព្រឹកថ្ងៃទី១៤ ខែមិថុនា ឆ្នាំ២០១៧ សាខាកាំកុងត្រូលខេត្តកំពង់ឆ្នាំង បានសហការជាមួយមន្ទីរពាណិជ្ជកម្មខេត្ត និងអាជ្ញាធរដែនដី ចុះពិនិត្យទំនិញនៅផ្សារបរិបូណ៌ ខេត្តកំពង់ឆ្នាំង។

ជាលទ្ធផលបឋម សមត្ថកិច្ចបានធ្វើតេស្តនៅលើស្ពៃចង្កឹះ គឺពុំមានឃើញវត្តមានសារធាតុគីមីហាមឃាត់ឡើយ តែយ៉ាងណាមិញសមត្ថកិច្ចបានដកហូតទឹកក្រូចដប (ហ្វាន់តា) ចំនួន៨ដប ដែលផុតកាលបរិច្ឆេទប្រើប្រាស់យកមករក្សាទុកនៅសាខាដើម្បីធ្វើការដុតកំទេចចោល។ ជាងនេះទៅទៀតសមត្ថកិច្ចបានខិតខំស្វែងរកទឹកប្រេងខ្យង ម៉ាក Yuan’s ប៉ុន្តែយើងពុំបានឃើញមានដាក់លក់នៅលើទីផ្សារនោះទេ៕