បាត់ដំបង: ករណីគ្រោះថ្នាក់ចររាចរណ៍មួយបានកើតឡើងបង្កឡើងដោយរថយន្តធុនធំបុកអ្នកថ្មើរជើង បណ្ដាលឲ្យជនរងគ្រោះស្លាប់ភ្លាមៗនៅនឹងកន្លែងកើតហេតុ។

ហេតុការណ៍នេះបានក់តឡើងនៅវេលាម៉ោង៥ល្ងាច ថ្ងៃទី២០ ខែមិថុនា ឆ្នាំ២០១៧ ត្រង់ចំណុចក្រុមទី៥០ ភូមិតាសីឃុំតាម៉ឺន ស្រុកថ្មគោល ខេត្តបាត់ដំបង លើផ្លូវជាតិលេខ៥ រវាងរថយន្តធុនធំនិងថ្មើជើង។

ប្រភពព័ត៌មានបានឲ្យដឹងថា អ្នកបើកបររថយន្តម៉ាកហ៊ីយ៉ាន់ដាយពណ៌ស ពាក់ស្លាកលេខ កំពង់ចាម 3A3170 (គេចខ្លួនបាត់) រីឯអ្នកថ្មើជើងជាជនរងគ្រោះឈ្មោះ ជា សាវឿន ភេទប្រុស អាយុ៣១ឆ្នាំរស់នៅភូមិក្រសាំង ឃុំតាម៉ឺន ស្រុកថ្មគោល ខេត្តបាត់ដំបង(ស្លាប់នៅនឹងកន្លែងកើតហេតុ )។

ប្រភពដដែលបានបន្តថា មុនពេលកើតហេតុរថយន្តបើកបរពីទិសខាងជើងឆ្ពោះទៅទិសខាងត្បូង ពេលមកដល់ចំណុចកើតហេតុបានបុកអ្នកថ្មើជើង បណ្ដាលឲ្យស្លាប់នៅនឹងកន្លែងកើតហេតុតែម្ដង ចំណែករថយន្តបានបើករត់ទៅទិសខាងត្បូងកម្លាំងយើងតាមឃាត់បាននៅភូមិពពាលខែ ឃុំអូរតាគី ភ្លាមៗនោះ តៃកុងឡានបានលោតចុះពីលើឡានរត់គេចខ្លួនបាត់។

បច្ចុប្បន្នសាកសពត្រូវបានក្រុមគ្រួសារសាច់ញាតិយកទៅធ្វើបុណ្យតាមប្រពៃណី៕