តាកែវៈ លោកអធិការរងស្រុកបាទី បានប្រាប់ Post News ថា មានករណីសមត្ថកិច្ចឃាត់ខ្លួនជនសង្ស័យម្នាក់ ដែលបានយកដាវកាប់ទៅលើឈ្មោះ កង ថារិទ្ធ ភេទប្រុស អាយុ២៣ឆ្នាំ ស្នាក់នៅភូមិធំ ឃុំធ្លក ស្រុកស្វាយជ្រុំ ខេត្តស្វាយរៀង បណ្តាលឲ្យស្លាប់ ក្រោយពេលបញ្ជូនទៅមន្ទីពេទ្យ នៅចំណុចភូមិសីហា ឃុំចំបក់ ស្រុកបាទី កាលពីថ្ងៃទី៩ ខែកក្កដា ឆ្នាំ២០១៧។

ជនសង្ស័យទាំង៣នាក់ ទី១ឈ្មោះ ប៉ុន វ៉ាន់ថេត ភេទប្រុស អាយុ១៨ឆ្នាំ ស្នាក់នៅភូមិក្រសាំង ឃុំកណ្តឹង ស្រុកបាទី និងទី២ឈ្មោះ ឆែម ចាន់ចាវ ភេទប្រុស អាយុ២១ឆ្នាំ ស្នាក់នៅភូមិមឿងក្រចិន ឃុំចំប៉ី ស្រុកបាទី។

រហូតមកដល់វេលាម៉ោង១រសៀល ថ្ងៃទី១៦ ខែកក្កដា ឆ្នាំ២០១៧ កម្លាំងអធិការដ្ឋានបានធ្វើការឃាត់ខ្លួនបានចំនួន២នាក់ ក្នុងចំនួនបក្ខពួកសរុបចំនួន៥នាក់ នៅចំណុចទឹកដីឃុំកណ្តឹង និងឃុំចំប៉ី ស្រុកបាទី។

បច្ចុប្បន្ន សមត្ថកិច្ចជំនាញកំពុងកសាងសំណុំរឿង ចាត់ការតាមនិតិវិធីច្បាប់៕