ពោធិ៍សាត់: មានករណីក្មេងស្រីអាយុ១២ឆ្នាំម្នាក់ បានលង់ទឹកស្លាប់យ៉ាងអាណោចអាធ័ម កាលពីវេលាម៉ោង១និង៤៥នាទី រសៀលថ្ងៃទី១៣ ខែធ្នូ ឆ្នាំ២០១៧ ស្ថិតនៅចំណុចភូមិខ្វាវ ឃុំរំលេច ស្រុកបាកាន ខេត្តពោធិ៍សាត់។
សមត្ថកិច្ចបានឲ្យដឹងថា ក្មេងស្រីរងគ្រោះខាងលើនេះ មានឈ្មោះ ថេន ស្រីនិច អាយុ១២ឆ្នាំ រស់នៅភូមិកើតហេតុ ដោយមានឪពុកឈ្មោះ ហង់ ប៊ុនផេន និងម្តាយឈ្មោះ យៀន ណយ ដែលបានទៅរកស៊ីនៅប្រទេសថៃ ទុកកូនឲ្យជីដូនមើល។
ចំណែកមូលហេតុ គឺបណ្តាលមកពីជនរងគ្រោះទៅចាប់ត្រីនៅវាលស្រែ រួចបានមកលាងខ្លួននៅស្រះទឹក ចម្ងាយពីផ្ទះ៦០ម៉ែត្រ ក៏រអិលជើងចូលក្នុងទឹកស្រះបណ្តាលឲ្យលង់ស្លាប់តែម្តង ។
បច្ចុប្បន្នសពក្មេងរងគ្រោះខាងលើ ត្រូវបានសមត្ថកិច្ចធ្វើកំណត់ហេតុ ប្រគល់ឲ្យក្រុមគ្រួសារធ្វើបុណ្យតាមប្រពៃណី៕
មតិយោបល់