ព្រះសីហនុ: ករណីគ្រោះថ្នាក់ចរាចរណ៍មួយ ដោយបុរសម្នាក់ជិះម៉ូតូលឿនពេក កាច់ចង្កូតមិនទាន់ ក៏ទៅបុកគោ ១ក្បាល ដែលកំពុងដើរឆ្លងផ្លូវ បណ្ដាលឲ្យបាក់.ក ស្លាប់ភ្លាមៗ នៅហ្នឹងកន្លែង។
ហេតុការណ៍នេះ កើតឡើងកាលពីវេលាម៉ោង ៧ និង ១៥នាទីយប់ថ្ងៃទី២៨ ខែមករា ឆ្នាំ២០១៨ ត្រង់ចន្លោះបង្គោលគីឡូម៉ែត្រលេខ ២២ និង២៣ ស្ថិតនៅក្រុម១ ភូមិ១ ឃុំអូរត្រេះ ស្រុកស្ទឹងហាវ ខេត្តព្រះសីហនុ។
ជនរងគ្រោះឈ្មោះ ឈុន អ៊ីម ភេទប្រុស អាយុ ៣៥ឆ្នាំ មុខរបរ កម្មករ (ស្លាប់ ពេលបញ្ជូនដល់មន្ទីរពេទ្យ) មានទីលំនៅភូមិអូត្រជាក់ចិត្ត ឃុំសំរុង ស្រុកព្រៃនប់ ខេត្តព្រះសីហនុ ។ ចំណែកសត្វគោវិញ ត្រូវបានងាប់នៅហ្នឹងកន្លែងកើតហេតុផងដែរ។
តាមសមត្ថកិច្ច បានប្រាប់ឲ្យដឹងថា បច្ចុប្បន្ន សពជនរងគ្រោះ ត្រូវសាច់ញាតិយកទៅធ្វើបុណ្យតាមប្រពៃណី ចំណែកវត្ថុតាងយកទៅរក្សាទុកនៅអធិការស្រុកស្ទឹងហាវ ដើម្បីបន្តចាត់ការតាមនីតិវិធីច្បាប់៕
មតិយោបល់