កណ្តាលៈ មានករណីបុរសម្នាក់ធ្លាក់ចូលក្នុងអណ្ដូងទឹក បណ្តាលឲ្យស្លាប់យ៉ាងអាណោចអាធ័ម។
កើតហេតុនៅវេលាម៉ោង៤និង២០នាទីរសៀល ថ្ងៃទី០៧ ខែមីនា ឆ្នាំ២០១៨ ភូមិអំពៅព្រៃ១ ឃុំអំពៅព្រៃ ស្រុកកណ្ដាលស្ទឹង ខេត្តកណ្ដាល។

ជនរងគ្រោះឈ្មោះ សៀង គក ភេទប្រុស អាយុ៦៧ឆ្នាំ រស់នៅភូមិឃុំកើតហេតុ ជាមនុស្សមានសតិមិនគ្រប់។
ក្រោយពីទទួលបានព័ត៌មាន កម្លាំងជំនាញ អាជ្ញាធរមូលរដ្ឋាន និងគ្រូពេទ្យបានចុះទៅដល់កន្លែងកើតហេតុ ធ្វើការពិនិត្យលើសព ឃើញថា សពមិនមានស្លាកស្នាមអ្វីគួរឲ្យកត់សម្គាល់ឡើយ គឺស្លាប់ដោយសារលង់ទឹកអណ្តូងពិតប្រាកដមែន។

ក្រោយពេលពិនិត្យ រួចបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕