ភ្នំពេញៈ កម្លាំងនគរបាលប៉ុស្តិ៍ទន្លេបាសាក់ បានប្រទះឃើញម៉ូតូម៉ាក ហុងដាសេ១២៥ ពណ៌ខ្មៅ មួយគ្រឿង ត្រូវបានជនមិនស្គាល់មុខ យកទុកចោលនៅខាងមុខហាង អ៉ី សាំង តាំងពីយប់រហូតមកដល់ពេលនេះ នៅតែមិនទាន់មានម្ចាស់មកយកទៅវិញឡើយ ហើយក៏កំពុងប្រកាសរកម្ចាស់អោយមកទទួលយកទៅវិញផងដែរ។

ហេតុការណ៍នេះបានបង្កការភ្ញាក់ផ្អើលកើតឡើងកាលពីវេលាម៉ោង១០ព្រឹក ថ្ងៃទី២០ ខែមីនា ឆ្នាំ២០១៨ នៅខាងមុខហាង អ៉ី សាំង ផ្លូវទន្លេបាសាក់ ក្នុង សង្កាត់ទន្លេបាសាក់ ខណ្ឌចំការមន រាជធានីភ្នំពេញ។

តាមប្រភពព័ត៌មានពីសមត្ថកិច្ចបានឲ្យដឹងថា ម៉ូតូដែលបានប្រទះឃើញនេះគឺម៉ាក ហុងដាសេ១២៥ ស៊េរីឆ្នាំ២០១៧ ពណ៌ខ្មៅ ពាក់ស្លាកលេខ ភ្នំពេញ 1GQ-7935។ មុនពេលកើតហេតុ កាលពីវេលាម៉ោង ៣ យប់ថ្ងៃទី២០ ខែមីនា ឆ្នាំ ២០១៨ គេបានប្រទះឃើញម៉ូតូមួយគ្រឿងនេះ ត្រូវបានគេប្រទះឃើញបញ្ឈរទុកចោលរហូតដល់វេលាម៉ោង ១០ព្រឹក ថ្ងៃទី២០ ខែមីនានេះនៅតែមិនមានអ្នកណាម្នាក់មកយកនោះ ទើបគេរាយការណ៍ប្រាប់កម្លាំងមានសមត្ថកិច្ចឲ្យមកទទួលយកទៅរក្សាទុកតែម្តង។

ក្រោយពេលកើតហេតុ កម្លាំងនគរបាលប៉ុសតិ៍ទន្លេបាសាក់់ក៏បានយកម៉ូតូម៉ាកហុងដាសេ១២៥ មួយគ្រឿងខាងលើនេះ យកទៅរក្សាទុក ដើម្បីធ្វើការស្រាវជ្រាវរកម្ចាស់អោយមកទទួលវិញផងដែរ៕