កំពត: កាលពីវេលាម៉ោង៥និង៤០នាទីល្ងាច ថ្ងៃទី២៥ ខែមីនា ឆ្នាំ២០១៨ មានករណីមន្ត្រីយោធាម្នាក់ បានចាក់សាំងដុតខ្លួនឯង នៅចំណុចភូមិព្រែកចេក ឃុំកោះតូច ស្រុកទឹកឈូ ខេត្តកំពត។

ជនរងគ្រោះមានឈ្មោះ កើត នួន ភេទប្រុស អាយុ២៤ឆ្នាំ ធ្វើជាមន្ត្រីយោធានៅរាមខេត្ដព្រះសីហនុ សព្វថ្ងៃរស់នៅភូមិឃុំកើតហេតុខាងលើប្រពន្ធឈ្មោះ ធាន ធារ៉ា អាយុ២៧ឆ្នាំ ហើយករណីនេះពុំបានដឹងអំពីមូលហេតុច្បាស់លាស់នោះទេ ។ ចំពោះជនរងគ្រោះបានបញ្ជូនទៅមន្ទីរពេទ្យសង្គ្រោះបន្ទាន់ ៕