ប៉ៃលិនៈ មានការភ្ញាក់ផ្អើលមួយបានកើត ដោយមានការប្រទះឃើញសពបុរសម្នាក់ ស្លាប់យ៉ាងអាណោចអាធ័ម កាលពីវេលាម៉ោង១០ព្រឹក ថ្ងៃទី១៤ ខែឧសភា ឆ្នាំ២០១៨ នៅក្នុងចំការស្វាយ ភូមិពេជ្រគីរី សង្កាត់ប៉ៃលិន ក្រុងប៉ៃលិន ខេត្តប៉ៃលិន ។
សពជនរងគ្រោះឈ្មោះ យ៉ន យ៉ូ ភេទប្រុស អាយុ៤៦ឆ្នាំ មានស្រុកកំណើតនៅភូមិចុងព្រែក ឃុំព្រែកស្ដី ស្រុះកោះធំ ខេត្តកណ្ដាល។
ប្រភពព័ត៌មានបានឲ្យដឹងថា មុនពេលកើតហេតុ កាលពីថ្ងៃទី១១ ខែឧសភា ឆ្នាំ២០១៨ ម្ចាស់ចំការ បានឲ្យលុយចំនួន១០ម៉ឺនរៀលទៅជនរងគ្រោះ ដើម្បីទិញប្រេងសាំង ទិញម្ហូបអាហារ និងសម្ភារ:ផ្សេងទៀត ដើម្បីកាត់ស្មៅចំការ តែក៏បាត់ដំណឹងរហូត លុះដល់ថ្ងៃទី១៤ ខែឧសភា ឆ្នាំ២០១៨ ទើបដឹងថាជនរងគ្រោះស្លាប់ទៅហើយ ក្រោយពីសពបានមុតនិងផ្លែម៉ាស៊ីនកាត់ស្មៅ ចំកំភួនជើងឆ្វេងផ្នែកខាងក្រោយមុនពេលស្លាប់ និងបានដាច់សរសៃឈាមធំ បណ្ដាលឲ្យឈាមហូររហូតដល់ដាច់ខ្យល់ស្លាប់បែបនេះតែម្តង៕
មតិយោបល់