ពោធិ៍សាត់ៈ ជនសង្ស័យម្នាក់ ត្រូវបានសមត្ថកិច្ចធ្វើការឃាត់ខ្លួនបាន ក្រោយពីបានធ្វើសកម្មភាពប្រើហិង្សាវាយទៅលើប្រពន្ធបណ្តាលឲ្យស្លាប់ គ្រាន់តែរឿងប្រពន្ធសុំទៅស៊ីឈ្នួលដកដំឡូងឲ្យគេសោះ។
ករណីនេះកើតឡើងនៅម៉ោង៥ល្ងាច ថ្ងៃទី៧ ខែកញ្ញា ឆ្នាំ២០១៨ ភូមិអង្គ្រង ឃុំសំរោង ស្រុកភ្នំក្រវាញ ខេត្តពោធិ៍សាត់ ។
ជនសង្ស័យ ឈន ឆេង ភេទប្រុស អាយុ៥១ឆ្នាំ កាប់ប្រពន្ធឈ្មោះ ម៉ៃ ហ៊ិន អាយុ៥៤ឆ្នាំស្លាប់ ហើយរត់គេចតែត្រូវសមត្ថកិច្ចដេញចាប់ខ្លួនបានក្នុងភូមិដំណាក់ឈើក្រំ ឃុំសំរោង ស្រុកភ្នំក្រវាញ។
ក្នុងករណីនេះដែរ សមត្ថកិច្ចបានបញ្ជាក់ថា ករណីនេះកើតឡើងដោយសារតែជនសង្ស័យបានខឹងនឹងប្រពន្ធដែលសុំទៅស៊ីឈ្នួលដកដំឡូងឲ្យគេ តែខ្លួនមិនឲ្យទៅព្រោះខ្មាស់គេ និងមិនចង់ឲ្យប្រពន្ធឃ្លានឆ្ងាយ ទើបទាស់ពាក្យសម្តីគ្នារហូតទាស់ពាក្យសម្តី ឈានទៅដល់ការដាល់ទៅលើមុខប្រពន្ធជាច្រើនដៃ សន្លប់រហូតស្លាប់តែម្តង៕
មតិយោបល់