កាលពីថ្មីៗនេះ ក្រុមហ៊ុន Nokia បានធ្វើការប្រកាសបង្ហាញស្មាតហ្វូនម៉ូដែល Nokia Lumia 1020 អេក្រង់ទំហំ ៤.៥អ៊ីង និងបំពាក់នូវកាមេរ៉ាទំហំ ៤១មេហ្គាភិចសែល។
ដោយឡែកនៅពេលនេះ មានព័ត៌មានលេចឮមកថា ក្រុមហ៊ុន Nokia គ្រោងនឹងបង្ហាញស្មាតហ្វូនថ្មីដែលមានអេក្រង់ធំជាម៉ូដែលមុនៗ ព្រមទាំងមានតម្លៃទាប។
យោងតាមសារព័ត៌មាន Bloomberg បានឲ្យដឹងថា មានប្រភពដែលមិនបង្ហាញអត្តសញ្ញាណមាននិយាយថា ក្រុមហ៊ុន Nokia កំពុងតែរៀបចំបង្កើតនូវស្មាតហ្វូនត្រកូល Lumia ដែលមានអេក្រង់ ៤.៧អ៊ីង ហើយនឹងចេញលក់ក្នុងតម្លៃទាប។
កាលពីសប្ដាហ៍មុននេះ ក្រុមហ៊ុនទូរស័ព្ទដៃហ្វាំងឡង់មួយនេះ បានប្រកាសឲ្យដឹងថា ប្រាក់ចំណូលដែលបានមកពីការលក់ធ្លាក់ចុះ ២៤ភាគរយ បើទោះបីជាតម្រូវការស្មាតហ្វូនតម្លៃទាបដូចជា Lumia 520 មានច្រើនក្ដី ប៉ុន្តែវាគ្រាន់តែជាចំណែកមួយដែលជួយធ្វើឲ្យ Nokia ល្បីឈ្មោះឡើងវិញ។
គួរបញ្ជាក់ផងដែរថា សម្រាប់ព័ត៌មានខាងលើនេះ អ្នកនាំពាក្យរបស់ក្រុមហ៊ុន Nokia លោក James Etheridge បានច្រានចោល ព្រមទាំងនិយាយថានោះគឺជាព័ត៌មានមិនពិត៕
ទស្សនាវីដេអូឃ្លបដូចខាងក្រោមនេះ ៖
មតិយោបល់