ព័ត៌មានជាតិ

​រថយន្តSINEAបុកម៉ូតូពេញទំហឹង រងរបួសធ្ងន់ស្រាល៤នាក់ នៅស្រុកសាលាក្រៅ!

​ប៉ៃលិន: កាលពីវេលាម៉ោង៥និង៣០​នាទីល្ងាច ​ថ្ងៃ​ទី១៩ ខែកញ្ញា​ ឆ្នាំ​២០១៨ មានករណីគ្រោះថ្នាក់ចរាចរណ៍ មួយកើតឡើង រថយន្ត និងម៉ូតូ នៅចំណុចធារាសាស្រ្ត ​ភូមិទំនប់ ឃុំស្ទឹងត្រង់ ស្រុកសាលាក្រៅ ខេត្តប៉ៃលិន បណ្ដាលឲ្យមនុស្សចំនួន​៤នាក់​រងរបួសធ្ងន់ស្រាល។

​​រថយន្តបង្កម៉ាក SINEA ពណ៌ទឹកប្រាក់ ពាក់ស្លាកលេខ ភ្នំពេញ 2Z-9215 បើកបរដោយ​ឈ្មោះ សាន់ ឋាន ភេទប្រុស អាយុ​៤៣ឆ្នាំ មុខរបរ រត់តាក់ស៊ី រស់នៅភូមិផ្សារព្រំ ឃុំស្ទឹងកាច់ ស្រុកសាលាក្រៅ ខេត្តប៉ៃលិន ធ្វើដំណើរពីត្បូងទៅជើងបញ្ច្រាសទិសគ្នា​។

ជនរងគ្រោះទី​១ឈ្មោះ ឈួង គឹមសេង ភេទ ប្រុស អាយុ ៣៦ ឆ្នាំ មុខរបរ នគរបាល រស់នៅភូមិអូរកន្ធៀងវ៉ា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន (រងរបួសធ្ងន់)។ ទី​ឈ្មោះ មាស ស ភេទស្រី អាយុ​៥៣ឆ្នាំ (រងរបួសស្រាល)។ ទី​៣ឈ្មោះ មាស តង់ ភេទស្រី អា​យុ​៤៣ឆ្នាំ (រងរបួសស្រាល)​។ និងទី​៤ឈ្មោះ ជាប ញ៉ែម ភេទស្រី អាយុ​៤៣ឆ្នាំ ជនរងគ្រោះទាំង​៣នាក់ រស់នៅខេត្តស្ទឹងត្រែងជាមួយគ្នា (រងរបួសស្រាល) ។

ករណីខាងលើបណ្ដាលមកពីកត្តាមនុស្សបើកបរខ្វះការប្រុងប្រយ័ត្នរេចង្កូតជ្រុលទៅខាងស្ដាំ។

បច្ចុប្បន្នជំនាញចរាចរណ៍នៃអធិការដ្ឋាននគរបាលស្រុកសាលាក្រៅកំពុងចាត់ការទៅតាមនីតិវិធីច្បាប់។ ចំណែកជនរងគ្រោះត្រូវបានបញ្ជូនទៅសម្រាកព្យាបាលនៅមន្ទីរពេទ្យបង្អែកខេត្តប៉ៃលិន៕

មតិយោបល់