បន្ទាយមានជ័យៈ មានហេតុការណ៍ភ្ញាក់ផ្អើលមួយបានកើតឡើង​ដោយមានក្មេងតូចៗ២នាក់បងប្អូនបង្កើត បានលង់ទឹកប្រឡាយដែលមានជម្រៅជាង១ម៉ែត្រ បណ្តាលឲ្យស្លាប់យ៉ាងអាណោចអាធ័ម ខណៈដែលទៅស្រែជាមួយឪពុកម្តាយ។

ករណីនេះកើតឡើងវេលាម៉ោង៥និង៣០នាទីល្ងាច ថ្ងៃទី១ ខែតុលា ឆ្នាំ២០១៨ នៅចំណុចបឹងមាឃខាងត្បូងភូមិគោកបល្លង្គ័ ឃុំគោកបល្លង្គ័ ចម្ងាយ៥០០ម៉ែត្រ ស្ថិតនៅស្រុកមង្គលបូរី ខេត្តបន្ទាយមានជ័យ។

បច្ចុប្បន្នសពជនរងគ្រោះត្រូវបានសមត្ថកិច្ចប្រគល់ឲ្យសាច់ញាតិធ្វើបុណ្យតាមប្រពៃណី៕