Post News Media ព័ត៌មានជាតិ ឡិចស៊ីសRx300 ...

ឡិចស៊ីសRx300 ពន្លះជាមួយឡិចស៊ីសRx330 ខ្ទេចទាំងសងខាងនៅកំពង់ស្ពឺ

កំពង់ស្ពឺ: គ្រោះថ្នាក់ចរាចរណ៍មួយបានកើតឡើង ដោយមានរថយន្តម៉ាកឡិចស៊ីស Rx300 បុកជាមួយរថយន្តឡិចស៊ីសRx330 បណ្តាលឲ្យរងការខូចខាតយ៉ាងដំណំ។

ហេតុការណ៍នេះកើតឡើងនៅម៉ោង៥និង២០នាទី ថ្ងៃទី១៣ ខែតុលា ឆ្នាំ២០១៨ នៅ​ផ្លូវជាតិលេខ​៤​ គីឡូម៉ែត្រ ៦៦-​៦៧​ ភូមិ​ត្រពាំង​អត់ទឹក​ ឃុំគីរីវន្ត ស្រុកភ្នំស្រួច​ ខេត្តកំពង់ស្ពឺ។

សមត្ថកិច្ចបានឲ្យដឹងថា ករណីនេះកើតឡើងរវាង រថយន្ត​ម៉ាកឡិចស៊ីស Rx300​ ពណ៌ទឹកមាស ស្លាកលេខ​ ព្រះសីហនុ​ 2A-9925 អ្នកបើកបរ​គេចខ្លួន​បាត់​ រថយន្ត​រេចង្កូត​ មកខាង​ឆ្វេងដៃ មកបុករថយន្ត១គ្រឿងម៉ាក​ឡិចស៊ីស RX330 ពណ៌ខ្មៅ ស្លាកលេខ ភ្នំពេញ 2P-​72​77 អ្នក​បើកបរឈ្មោះ​ តឹម សារឹទ្ធ ភេទ​ប្រុស អាយុ៥៩ឆ្នាំ រស់នៅភូមិព្រៃស​ណ្តែក សង្កាត់ចោម​ចៅ ខណ្ឌពោធិ៍សែនជ័យ រាជធានីភ្នំពេញ​ បើក​បរទិសដៅ​បញ្ច្រាសគ្នា​ក្នុង​ហេតុការណ៍​ខាង​លើ​ បណ្តាលឲ្យរងរបួស​ស្រាល និងខូចខាតរថយន្ដ៣៣០ ធ្ងន់ធ្ងរ។

បច្ចុប្បន្ន​វត្ថុតាង​រថយន្តទាំង២គ្រឿង ត្រូវ​បាន​ជំនាញ​ស្រុក​ស្ទូចយក​មករក្សាទុក​ជា​ប​ណ្ដោះ​អាសន្ន​ នៅអធិការដ្ឋាននគរបាលស្រុកភ្នំស្រួច ធ្វើការ​ស្រាវជ្រាវ​រក​ម្ចាស់​រថយន្ដ​ ដើម្បីចាត់ការដោះ​ស្រាយតាមនិតិវិធីច្បាប់៕

Loading...