បន្ទាយមានជ័យៈ កាលពីវេលាម៉ោង១និង៣០នាទី យប់រំលងអធ្រាត្រឈានចូលថ្ងៃទី២៦ ខែតុលា ឆ្នាំ២០១៨ ដោយទទួលបទបញ្ជាពីលោកវរសេនីយ៍ត្រី នួន នីណារ៉ូ មេបញ្ជាការមូលដ្ឋានកងរាជអាវុធហត្ថក្រុងប៉ោយប៉ែត កម្លាំងអ.ហក្រុង ដឹកនាំដោយលោកវរសេនីយ៍ត្រី យឹម ស៊ីណា បានចុះល្បាតការពារសន្តិសុខ ក្នុងភូមិសាស្ត្រក្រុងទៅដល់ចំណុចម្ដុំផ្សាររ៉ាចាស់ ភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ បានឃាត់ខ្លួនជនសង្ស័យ៣នាក់ ពាក់ព័ន្ធករណីរក្សាទុក និងប្រើប្រាស់នូវសារធាតុញៀនដោយខុសច្បាប់។
ជនសង្ស័យទី១ឈ្មោះ យឿន យ៉េង ភេទប្រុស អាយុ ២៣ឆ្នាំ រស់នៅមណ្ឌល៤ ភូមិប្រជាធម្មលិច សង្កាត់ផ្សារកណ្ដាល ក្រុងប៉ោយប៉ែត ខេត្តបន្ទាយមានជ័យ។ ទី២ឈ្មោះ អ៊ុន សំណាង ភេទប្រុស អាយុ ២០ឆ្នាំ រស់នៅផ្សារហ៊ុយឡេង ភូមព្រៃព្រិច សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
និងទី៣ឈ្មោះ រី រ៉ា ភេទប្រុស អាយុ ២៦ឆ្នាំ រស់នៅភូមិប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ។
ក្រោយពីឃាត់ខ្លួនហើយយើងបានធ្វើការឆែកឆេរបន្ទប់មួយនៅចំណុចខាងលើរកឃើញវត្ថុតាងមួយចំនួនរួមមាន៖ ម្សៅក្រាម ពណ៌សចំនួន៥កូនថង់តូច, គ្រាប់ថ្នាំពណ៍ក្រហម ចំនួន១កូនថង់ ស្មើរនឹង១១គ្រាប់,កញ្ឆាចំនួន ១ថង់,១ដប
បំពង់ដែកទីប១ដើម,ពូថៅ៣ដើម,ញញួរ២ដើម,កាំបិតបុ័ងតោ១ដើម, កាំបិតខ្វែវ១ដើម,ដាវសាំម៉ូរ៉ៃ៣ដើម,កាំបិតច្នៃ១ដើម។
បន្ទាប់មកនៅវេលាម៉ោង១០ ថ្ងៃទី២៦ ខែតុលា ឆ្នាំ២០១៨ យើងបានបន្តឃាត់ខ្លួនជនសង្ស័យម្នាក់ទៀតដែលជាអ្នកកាន់កាប់បន្ទប់ ឈ្មោះជា សុខជាតិ ភេទប្រុស អាយុ៣៦ឆ្នាំ និងបានដកហូតវត្ថតាងប្រភេទក្រាមពណ៌ស ចំនួនមួយកូនថង់តូច ។
ករណីខាងលើនេះកម្លាំងអហក្រុងប៉ោយប៉ែតបានកសាងសំណុំរឿងបញ្ជូនជនសង្ស័យទាំង៤នាក់ ទៅបញ្ជាការដ្ឋានកងរាជអាវុធហត្ថខេត្តបន្ទាយមានជ័យ ដើម្បីចាត់ការតាមនីតិវិធីច្បាប់៕
មតិយោបល់