រតនគិរីៈ យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា នៅថ្ងៃទី១៥ ខែធ្នូ ឆ្នាំ២០១៨ វេលាម៉ោង៩និង០៥នាទី មន្ត្រីពន្ធនាគារខេត្ត បានឃាត់ខ្លួនជនសង្ស័យម្នាក់ មុខសញ្ញា ករណីដឹកជញ្ជូនដោយខុសច្បាប់នូវសារធាតុញៀនចូលទៅក្នុងការិយាល័យពន្ធនាគារខេត្ត។
ជនសង្ស័យឈ្មោះ វណ្ណា វុន ភេទប្រុស អាយុ៣៦ឆ្នាំ មុខរបរ មានទីលំនៅ ភូមិ៧មករា សង្កាត់ទ្បាបានសៀក ក្រុងបានលុង ខេត្តរតនគិរី មុខរបរ រត់ម៉ូតូឌុប ។
វត្ថុតាងដកហូតរួមមាន ៖ ម្សៅក្រាមសថ្លាចំនួន ៣ថង់តូច ទំងន់ ១.៨៥ក្រាម , ទូរសព្ទ័ ២គ្រឿង និងម៉ូតូ ១គ្រឿង។
បច្ចុប្បន្ន ជនសង្ស័យ រួមទាំងវត្ថុតាង ឃាត់និងរក្សាទុកបណ្តោអាសន្ននៅការិល័យជំនាញខេត្ត ដើម្បីកសាងសំណុំរឿងជូនទៅអយ្យកាអមសាលាដំបូងខេត្ត អនុវត្តតាមនីតិវិធី៕
មតិយោបល់