ផ្ទះ ព័ត៌មានជាតិ ឃាត់ខ្លួន​ម្ច...

ឃាត់ខ្លួន​ម្ចាស់​ហាង​បញ្ចាំ​ ហេង​ ហ៊ួ​ត​ម្នាក់​ បន្ទាប់​ពី​ចាប់​ចោរឆក់​​សួរ​ចម្លើយ​រួច​បន្ត​ចាប់​បាន​១១​នាក់​ទៀត

0

ភ្នំពេញ: យោងតាមផេកអគ្គស្នងការដ្ឋាននគរបាលជាតិ បានឲ្យដឹងថា គណ:​បញ្ជាការ​ឯកភាព​ខណ្ឌដូនពេញ​ បាន​ចុះ​ត្រួតពិនិត្យ​ ទីតាំង​ទទួល​បញ្ចាំ​មួយ​កន្លែង​យីហោ​ ហេង​ ហ៊ួ​ត​ ដែល​ទទួល​បញ្ចាំ​ទូរស័ព្ទ​គ្មាន​ឯកសារ​ត្រឹមត្រូវ​ និង​ឃាត់ខ្លួន​បុរស​ម្នាក់​ជា​ម្ចាស់​ទីតាំង​មក​សួរនាំ​ផង​ដែរ​ ។​ ការខ្លួន​ម្ចាស់​ហាង​បញ្ចាំ​នេះ​ បាន​ធ្វើ​ឡើង​បន្ទាប់​ពី​ឃាត់ខ្លួន​ជនសង្ស័យ​ម្នាក់​ ដែល​ធ្វើ​សកម្មភាព​ឆក់​ កាបូប​ ជនជាតិ​ចិន​ និង​បាន​សួរនាំ​ពី​ដំណើររឿង​ ស្រាវជ្រាវ​រក​បក្ខពួក​ និង​ឈាន​ទៅ​ឃាត់ខ្លួន​ជនសង្ស័យ​ ប្រុស​ស្រី​ចំនួន​១១​នាក់​ជា​បន្តបន្ទាប់​ទៀត​ ដែល​សម្ភារ:​ធ្វើ​សកម្មភាព​បាន​សម្រេច​នោះ​ យក​ទៅ​បញ្ចាំ​នៅ​ហាង​ ហេង​ ហ៊ួ​ត​ ដែល​សមត្ថកិច្ច​បាន​ចុះ​ត្រួតពិនិត្យ​នេះ​ ។​

​ប្រតិបត្តិការ​នេះ​ធ្វើ​ឡើង​នា​ព្រឹក​ថ្ងៃ​ទី​១៨​ ខែមករា​ ឆ្នាំ​២០១៩​ ស្ថិត​នៅផ្ទះ​លេខ​៣២Eo​ ផ្លូវ​លេខ​១៤៨​ សង្កាត់​ផ្សារ​កណ្ដាល​ទី​១​ ខណ្ឌដូនពេញ​ ដោយ​មានការ​សម្របសម្រួល​ដោយ​លោក​ គង់​ សំសា​រ៉េ​ត​ ព្រះរាជអាជ្ញា​រង​អម​សាលាដំបូង​រាជធានី​ភ្នំពេញ​ និង​ដឹកនាំ​ដោយ​លោក​ សុខ​ ពេញ​វុ​ធ​ អភិបាល​នៃ​គណ:​អភិបាល​ខណ្ឌដូនពេញ​ រួម​និង​លោក​ ទៀង​ ចាន់​សា​ អធិការ​នគរបាល​ខណ្ឌ​ បាន​ចុះ​ត្រួតពិនិត្យ​ ដកហូត​ទូរស័ព្ទ​មួយ​ចំនួន​ និង​ឃាត់ខ្លួន​បុរស​ម្នាក់​ យក​ទៅ​សួរនាំ​ ពាកព័ន្ធ​ករណី​ទទួលផល​ចោរកម្ម​ផង​ដែរ​។​

សូម​បញ្ជាក់​ថា​ នៅ​វេលា​ម៉ោង​៨​និង​១០​នាទី​យប់​ ថ្ងៃ​១៧​ ខែមករា​ ឆ្នាំ​២០១៩​ នៅ​ចំណុច​មុខ​ផ្ទះ​លេខ​២៦Eo​ ផ្លូវ​លេខ​១៥៤​ ភូមិ​ទី​៦​ សង្កាត់​ជ័យ​ជំនះ​ ខណ្ឌដូនពេញ​ មាន​ករណី​ចោរឆក់​ ដោយ​មុន​ពេល​កើតហេតុ​ ជន​រង​គ្រោះ​ឈ្មោះ​ HU​ JINGMIN​ ភេទ​ប្រុស​ អាយុ​៦២​ឆ្នាំ​ ជនជាតិ​ចិន​ បាន​ស្ពាយ​កាបូប​លើ​ស្មារ​ខាងស្តាំ​ ធ្វើ​ដំណើរ​ដោយ​ថ្មើរជើង​ក្នុង​ទិស​ដៅ​ពី​កើត​ទៅ​លិច ​តាម​បណ្តោយ​ផ្លូវ​លេខ​154​ លុះ​មក​ដល់​ចំណុច​កើតហេតុ​ខាងលើ​ ក៏​មាន​ជនសង្ស័យ​២​នាក់​ ជិះ​ម៉ូតូ​១​គ្រឿង​ ម៉ាក​MSX125​ ពណ៌​ស​ ស្លាក​លេខ​ ភ្នំពេញ​ 1GN-3390​ បាន​ធ្វើ​សកម្មភាព​ឆក់​កាបូប​ពី​ជន​រង​គ្រោះ​ បណ្តាល​ឲ្យ​ជន​រង​គ្រោះ​ដួល​អូស​ទៅ​នឹង​ថ្នល់​ រង​របួស​ដាច់​ស្មារ​ និង​ចិញ្ចើម​ខាងឆ្វេង​ ហើយ​ជន​រង​គ្រោះ​ក៏​ស្រែក​ផ្អើល​ឆោ​រ​ឡោ​ ស្រប​ពេល​នោះ​កម្លាំង​ខណ្ឌ​ ប៉ុស្តិ៍​ដែល​កំពុង​ល្បាត​ដល់​ចំណុច​ក្បែរ​នោះ​ ក៏​ធ្វើការ​អន្តរាគមន៍​ភ្លាម​ ដោយ​ជិះ​ម៉ូតូ​ដេញ​ប្រផាប់​ចាប់​ប្រ​ផី​ង​ធ្វើ​ឲ្យ​ជនសង្ស័យ​ម្នាក់​ ដែល​អង្គុយ​ពីក្រោយ​ភ័យ​ធ្លាក់​ពីលើ​ម៉ូតូ​ នឹង​បាន​ត្រូវ​កម្លាំង​ឃាត់ខ្លួន​បាន​ភ្លាម​ រួច​នាំ​មក​ទីស្នាក់ការ​ប៉ុស្តិ៍​ជ័យ​ជំនះ​ ដើម្បី​ធ្វើការ​សាកសួរ​តែ​ម្តង​ ដោយឡែក​ជនសង្ស័យ​ម្នាក់​ទៀត​ ដែល​ជា​អ្នក​បើក​ម៉ូតូ​បាន​ជិះ​គេចខ្លួន​បាត់​។​

​បន្ទាប់​ពី​បាន​តម្រុយ​នៃ​ការ​ឃាត់ខ្លួន​ជនសង្ស័យ​ម្នាក់​ កម្លាំង​សមត្ថកិច្ច​បាន​ប្រើប្រាស់​វិធានការ​ជំនាញ​សួរ​ចម្លើយ​ ឈាន​ដល់​បើក​កិច្ច​ប្រតិបត្តិការ​បន្ត​តាម​យក​បក្ខពួក​ ដោយ​ច្បា​ត​រហូត​មក​ដល់​វេលា​ម៉ោង​១១៖៣០​នាទី​យប់​ ទើប​ឈាន​ទៅ​ដល់​ការ​ឃាត់ខ្លួន​បាន​ជនសង្ស័យ​ម្នាក់​ទៀត​ រួម​ជាមួយ​មធ្យោបាយ​ធ្វើ​សកម្មភាព​។​

ជនសង្ស័យ​ទាំង​២​នាក់​ ទី​១.​ឈ្មោះ​ ស៊ុន​ ណា​ដា​ ភេទ​ស្រី​(​ខ្ទើយ​)​ អាយុ​១៨​ឆ្នាំ​ ជនជាតិ​ខ្មែរ​ មុខរបរ​ និង​ទីលំនៅ​មិន​ពិតប្រាកដ​ (​ជិះ​ពីក្រោយ​ធ្វើ​សកម្មភាព​ឆក់​)​។​ ២.​ឈ្មោះ​ ឡោ​ ចិ​ត្រា​ ភេទ​ប្រុស​ អាយុ​១៩​ឆ្នាំ​ ជនជាតិ​ខ្មែរ​ មុខរបរ​ និង​ទីលំនៅ​មិន​ពិតប្រាកដ​ (​អ្នក​បើក​ម៉ូតូ​)​។​

សមត្ថកិច្ច​បន្ត​ថា​ ជា​វិធានការ​ជំនាញ​ដើម្បី​ជីក​ឬ​ស​គល់​ កាប់​មែក​ កាប់​ធាង​ សមត្ថកិច្ច​បាន​បន្ត​សួរ​យក​ចម្លើយ​ជនសង្ស័យ​ នឹង​បាន​បើក​កិច្ច​ប្រតិបត្តិការ​ស្រាវជ្រាវ​បន្ត​រហូត​មក​ដល់​វេលា​ម៉ោង​៥​ទៀប​ភ្លឺ​ចូល​ថ្ងៃ​ទី​១៨​ មក​រា​ កម្លាំង​ក៏​បាន​ធ្វើការ​ឃាត់ខ្លួន​ជនសង្ស័យ​ជា​បក្ខពួក​ នឹង​ជា​សមាសភាព​ឆក់​សកម្ម​តាម​បណ្តា​ខណ្ឌ​ផ្សេងៗ​ ចំនួន​៤​នាក់​ទៀត​ (​ស្រី​ម្នាក់​)​ ព្រមទាំង​ជន​ស​ង្យ័​យ​ប្រើប្រាស់​ ចំនួន​៥​នាក់​(​ស្រី​ម្នាក់​)​ ផ្សេង​ទៀត​ រួម​ជាមួយ​ម៉ូតូ​ចំនួន​២​គ្រឿង​ នាំ​យក​មក​ធ្វើការ​សាកសួរ​។​

លោក​ ទៀង​ ចាន់​សា​ អធិការ​នគរបាល​ខណ្ឌដូនពេញ​ បាន​ប្រាប់​ឲ្យ​ដឹង​ថា​ ដោយ​អនុវត្តន៍​តាម​បទបញ្ជា​ដ៏​ខ្ពង់ខ្ពស់​របស់​ឯកឧត្តម​ ឧត្តមសេនីយ៍ឯក​ ស​ ថេ​ត​ អគ្គស្នងការ​រង​ និង​ជា​ស្នងការ​នគរបាល​រាជធានី​ភ្នំពេញ​ និង​ អនុវត្តន៍​គោល​កា​ដឹកនាំ​របស់​ លោក​ សុខ​ ពេញ​វុ​ធ​ អភិបាល​នៃ​គ​ណះ​អភិបាល​ខណ្ឌដូនពេញ​ បន្ត​ស្រាវជ្រាវ​បង្ក្រាប​បទល្មើស​ក្នុង​មូលរ​ដ្ឋា​ន​ ដូច​ជា​ បញ្ហា​គ្រឿងញៀន​ លួច​ ឆក់​ និង​ ប្លន់​ ដើម្បី​រក្សារ​បាន​នូវ​ ភូមិ​ ឃុំ​ មាន​សុវត្ថិភាព​ទាំង​៩​ចំណុច​ នៅ​យប់​ថ្ងៃ​ទី​១៧​ ខែមករា​ ឆ្នាំ​២០១៩​ កម្លាំង​សមត្ថកិច្ច​ជំនាញ​ខណ្ឌដូនពេញ​ បាន​ឃាត់ខ្លួន​ជនសង្ស័យ​ម្នាក់​ ដែល​ធ្វើ​សកម្មភាព​ឆក់​ កាបូប​ជនជាតិ​បរទេស​ (​ចិន​)​ ខាង​លេ​ី​នោះ​ និង​បាន​សួរនាំ​ពី​ដំណើ​រឿង​ បក្ខពួក​ និង​បាន​ស្រាវជ្រាវ​ឃាត់ខ្លួន​បាន​ជនសង្ស័យ​ប្រុស​ ស្រី​ចំនួន​១១​នាក់​ជា​បន្តបន្ទាប់​ទៀត​ រហូត​ដល់​បែកធ្លាយ​ យក​សម្ភារ:​ទៅ​បញ្ចាំ​នៅ​ហាង​មួយ​កន្លែង​ យីហោ​ ហេង​ ហ៊ួ​ត​។​

លោក​អធិការ​បាន​បន្ត​ទៀត​ថា​ បន្ទាប់​ពី​សួរនាំ​ ដឹង​រឿងរ៉ាវ​ពាក់ព័ន្ធ​ទីតាំង​ ហាង​បញ្ចាំ​ ទទួល​ទិញ​ ទូរស័ព្ទ​មិន​ប្រក្រតី​ នៅ​ព្រឹក​ថ្ងៃ​ទី​១៨​ កម្លាំង​គណ:​បញ្ជាកា​ឯកភាព​ខណ្ឌ​ចុះ​មក​ត្រួតពិនិត្យ​ និង​បាន​ឃាត់ខ្លួន​បុរស​ម្នាក់​ជា​ម្ចាស់​ទីតាំង​ រួម​និង​ទូរស័ព្ទ​ចំនួន​១១​គ្រឿង​ ថែប​ប្លែក​ ចំនួន​៥​គ្រឿង​ យក​ទៅ​សួរនាំ​ នៅ​អធិការដ្ឋាន​នគរបាល​ខណ្ឌដូនពេញ​ ដើម្បី​ចាត់ការ​បន្ត​តាម​នីតិវិធី​៕

Loading...

Leave a Reply

This site uses Akismet to reduce spam. Learn how your comment data is processed.