ស្វាយរៀង: ភ្ញាក់ផ្អើលពេញមួយភូមិក្នុងករណីមួយកើតឡើងខណ:ដែលពលរដ្ឋក្នុងភូមិបាននាំគ្នាដើរអូសត្រីក្នុងប្រឡាយទឹកស្មានថាជាប់ត្រីធំខំអរមានអីជាប់សាកសពបុរសម្នាក់ទៅវិញ។
ហេតុការណ៍នេះបានកើតឡើងកាលពីវេលាម៉ោង១៣និង១៥នាទីរសៀលថ្ងៃទី១៣ខែកុម្ភ:ឆ្នាំ២០១៩។
តាមសមត្ថកិច្ចបានឱ្យដឹងថា៖ក្រោយពីទទួលព័ត៌មានពីពលរដ្ឋឈ្មោះ សោម សារី ភេទប្រុស អាយុ ៣៥ឆ្នាំរស់នៅភូមិចំបក់កោងឃុំតាសួសស្រុកស្វាយជ្រំខេត្តស្វាយរៀងថាខ្លួនទៅអូសអញ្ចងក្នុងទឹកប្រឡាយនៅភូមិឃុំកើតហេតុ។ស្រាប់តែមានរបស់ធ្ងន់ជាប់និងអញ្ចងនាំគ្នាខំទាញអូសឡើងលើគោកស្មានថាត្រីធំដល់លើកចេញពីទឹកបែរជាសាកសពមនុស្សប្រុសទៅវិញ។
ប្រភពបានបន្តទៀតថា៖បន្ទាប់ពីទទួលព័ត៌មានភ្លាមកម្លាំងសមត្ថកិច្ចបានចុះទៅដល់កន្លែងកើតហេតុធ្វើការស្រាវជ្រាវទើបស្គាល់អត្តសញ្ញាណសាកសពទើបដឹងថាសពមានឈ្មោះ ឈួន ប្រុស ភេទប្រុសអាយុ៣១ឆ្នាំរស់នៅភូមិនារាទេន ឃុំឈើទាល ស្រុកស្វាយជ្រំ ខេត្តស្វាយរៀង។
ប្រភពបានបន្ថែមទៀតថា៖ដោយមានឪពុកម្តាយរបស់បានធ្វើលិខិតធានាអះអាងថាកូនរបស់ខ្លួនមានជំងឺវិកលចរិក(ឆ្កូត)ដើរគ្មានគោលដៅនោះទេហើយមិនដើរមិនដែលចូលផ្ទះស្រាប់មានគេប្រាប់ថាកូនគាត់បានស្លាប់ទៅហើយ៕
មតិយោបល់