ព័ត៌មានជាតិ

យប់មិញ មានករណីផ្ទុះអាវុធ នៅក្នុង​វត្ត​ប្ញ​ស្សី​ស្រស់ បង្កឲ្យ​ព្រះសង្ឃជា​ច្រើន​អង្គ​មានការ​ភ្ញាក់ផ្អើល

ភ្នំពេញ: កាលពី​វេលា​ម៉ោង​៩ និង​ ៣០​នាទី​យប់ថ្ងៃ​ទី​១២ ខែមិនា ឆ្នាំ២០១៩ មាន​ករណី​ផ្ទុះអាវុធ​២​គ្រាប់​នៅ​ក្នុង​វត្ត​ប្ញ​ស្សី​ស្រស់ បង្កឲ្យ​ព្រះសង្ឃជា​ច្រើន​អង្គ​មានការ​ភ្ញាក់ផ្អើល​ ស្ថិត​ក្នុង​សង្កាត់​និរោធ ខណ្ឌ​ច្បារ​អំពៅ រាជធានីភ្នំពេញ។

សមត្ថកិច្ច បានឲ្យដឹងថា មុន​ពេល​កើតហេតុគេ​ឃើញ​មាន​ម៉ូតូ​៣​គ្រឿង​ មាន​គ្នា​៥​នាក់ ស្លៀកពាក់​ស៊ី​វិល បាន​ជិះ​ចូល​មក​ក្នុង​វត្ត ហើយបានវាយ​ទៅ​លើ​បុរសមិន​ស្គាល់​អត្តសញ្ញាណ​​ម្នាក់​ បណ្តាល​ឲ្យ​បែកក្បាល ដោយ​ម្នាក់​ក្នុង​ចំណោម​៥​នាក់ បាន​ដក​កាំភ្លើង​បាញ់​ផ្ញុច​ដី​២​គ្រាប់ តែ​ផ្ទុះ​១​គ្រាប់ ចំណែក​១​គ្រាប់​ទៀត​ធ្លាក់​លើ​ដី​។

សមត្ថកិច្ច​ បាន​ឲ្យ​ដឹង​ថា ខ្មាន់កាំភ្លើង​ដែល​ផ្ទុះអាវុធ និង​​ជន​រង​គ្រោះ​ទៅ​ណា​នោះ សមត្ថកិច្ច​ មិន​ទាន់​ដឹង​នៅឡើយ​ទេ៕

មតិយោបល់