តាកែវៈ នៅវេលាម៉ោង ៤និង ៤៥នាទីទៀបភ្លឺឆ្លងចូលថ្ងៃទី ១៨ ខែមិនា ឆ្នាំ២០១៩ មានករណីធ្វើអត្តឃាតសម្លាប់ខ្លួនឯង ស្ថិតនៅភូមិចង្កើប ឃុំកំពែង ស្រុកព្រៃកប្បាស ខេត្តតាកែវ។
ជនរងគ្រោះឈ្មោះ ទៀង ឈឿន ភេទប្រុស អាយុ ៥០ឆ្នាំ រស់នៅ ភូមិ ឃុំ កើតហេតុ បានយកសាំងចាក់លើខ្លួន រួចកេះដែកកេះដុតសម្លាប់ខ្លួនឯង នៅលើផ្ទះ ភ្លាមនោះក្រុមគ្រួសារ បានឃើញក៏ជួយពន្លត់ ហើយដឹកជនរងគ្រោះ ទៅមន្ទីរពេទ្យ ប៉ុន្តែដល់ពាក់កណ្ដាលផ្លូវ ក៏ដាច់ខ្យល់ស្លាប់តែម្ដង។
សូមបញ្ជាក់ថា៖ ជនរងគ្រោះជាមនុស្សស្រវឹងខួប នឹងព្យាយាមលេបថ្នាំសម្លាប់ខ្លួនជាញឹកញាប់។
ក្រោយពីទទួលបានព័ត៌មានភ្លាម កម្លាំងអធិការដ្ឋាននគរបាលស្រុក សហការជាមួយកម្លាំងនគរបាលប៉ុស្តិ៍រដ្ឋបាលកំពែង លោកមេភូមិ លោកមេឃុំគ្រូពេទ្យ បានចុះមកដល់កន្លែងកើតហេតុ ធ្វើការពិនិត្យលើសាកសពពុំឃើញមានស្លាកស្នាមអ្វីគួរឲ្យកត់សម្គាល់ ទើបប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
មតិយោបល់