ភ្នំពេញៈ នៅវេលាម៉ោង ១១និង១០នាទីយប់ថ្ងៃទី៣ ខែមីនា ឆ្នាំ២០២០ ស្ថិតតាមបណ្ដោយផ្លូវ១០១កែង២៦៦ សង្កាត់បឹងត្របែក ខណ្ឌចំការមន រាជធានីភ្នំពេញ មានករណីបុរសម្នាក់រវល់និយាយទូរស័ព្ទ បើករថយន្តទៅបុកកង់បី បណ្ដាលឲ្យក្រឡាប់ផ្ងារជើង។
ដំណើររឿង៖ មុនពេលកើតហេតុម៉ូតូកង់បី ៣គ្រឿង ចតស្ងៀម ស្រាប់តែរថយន្ត កាមារី ហាយប្រ៊ីត ពណ៌ស ពាក់ផ្លាកលេខ ភ្នំពេញ 2AR-9383 ធ្វើដំណើរពីត្បូងទៅជើង រវល់តែចុចទូរស័ព្ទ ក៏បណ្ដាលឲ្យបុកកង់បីរុញផ្ទប់ និងរថយន្តបង្កក្រឡាប់តែម្ដង។
ក្រោយពេលកើតហេតុសមត្ថកិច្ច ចុះដល់ទីតាំងវាស់វែងយកវត្ថុតាង ទៅរក្សាទុកនៅការិយាល័យចរាចរណ៍ជើងគោក ដើម្បីដោះស្រាយតាមនីតិវិធី៕
មតិយោបល់